Ö er ekkert bööööö!

Formaður ÖND-VEGIS-FLOKKSINS er ekkert sérlega morgunhress og ætlar því ekki að kjósa fyrr en eftir hádegið.

Vil hinsvega ávarpa ykkur kjósendur góðir og biðja ykkur að leiða hugann að stefnumálum Ö flokksins áður en þið setjið X-ið á kjÖÖÖrseðilinn.

ÖND-VEGIS-FLOKKURINN hefur mikla sérstöðu í íslenskri pólitík. Meðan aðrir flokkar rífast um álver eða ekki álver... ESB eða ekki ESB, þá er Ö flokkurinn með einu lausnina sem getur bjargað okkur úr ógöngunum... kynnið ykkur stefnummál Ö flokksins HÉR.

Kæri kjósandi! Mundu það þegar þú heldur á blýantinum í kjörklefanum í dag að...

Ö er ekkert Bööööööööööööööööööööööööö

Guð blessi Ísland!

Brattsjónallinn.

Fram ööööðlingar í ótal lööööööndum

sem ástundiðá kvöldin karate

nú Brattur safnar saman bröööööndum

boðar kaffi og jurtate

Dabbahyski við hendum í sjóinn

hrööööökvum aldrei í kút

við áttum lóur en hann át þær kjóinn

einsog að þamba ööööööl af stút.

 

Þó að mööööörgæsin sé mööööögur

við möööööölvum Geirinn í dag

því Brattsýnin er fööööögur

og fóðurblanda allra í Haag.

 

 

HÖf.: Guðni Már
.

 

.

 

Bjarni Ben kaus fyrstur

Sigmundur Davíð rotaður!

Þetta yrðu náttúrulega draumaúrslit ef að kosningarnar færu eins og þessi könnun sýnir.

Hefði reyndar viljað sjá Sjálfstæðisflokkinn undir 20% fylgi, þó er enn von.

Sigmundur Davíð formaður Framsóknarflokksins hefur verið að reyna að henda inn kosningabombu, fyrst í gærkvöldi og svo aftur í umræðuþáttum á RUV og Stöð 2 í kvöld.

Ástþór Magnússon kom skemmtilega á óvart á RUV og hreinlega rotaði Sigmund Davíð með því að benda á tengsl Framsóknarflokksins við Eglu hf. sem nú hefur beðið um greiðslustöðvun. Egla er  aðallega eigu Ólafs Ólafssonar sem lengi hefur tengst Framsóknarflokknum. Ástþór sagði  að það hefðu verið hæg heimatökin fyrir formann Framsóknarflokksins að nálgast viðkvæmar upplýsingar í stjórnkerfinu  í gegnum Eglu málið.

Sigmundur Davíð teygði sig greinilega of langt í sókninni og gaf höggstað á sér.

En frábær þáttur á RUV og gaman að sjá svona rothögg!
.

.

 

Samfylkingin enn stærst

Stálmaðurinn

Einu sinni var maður, hann var með stáltaugar.

Þegar hann var orðinn nokkuð stálpaður varð hann ástfanginn af fallegri konu sem hvíslaði eittþúsund tuttugu og níu falleg orð í eyru hans á sjö vikum.

Hann mundi öll þau orð allt sitt líf enda var hann með stálminni.

Hann hvíslaði á móti í eyru fallegu konunnar; ég er stálheppinn að hafa hitt þig, yndisleg.

Maðurinn var alla tíð stálheiðarlegur og stálhraustur og reyndist konu sinni vel. Þau eignuðust börnin Eir og Kopar sem vor stálsleginn frá því að þau fæddust. 

 Lyftum glösum og segjum, stál fyrir þessari fyrirmyndar fjölskyldu.
.

.

Vitið þið hvað ég sá?

... þabbarasonna...

Síðustu daga er ég búinn að sjá álftir, grágæsir, helsingja, tjald, stelk, örn og hrossagauk...

Svo sá ég tvo brosandi Liverpoolmenn um daginn... það hef ég aldrei séð áður...

Svo munaði litlu að ég sæi Framsóknarmann í dag... 

Vildi bara koma þessu á framfæri og deila þessu með lesendum mínum.

Gleðlilegt sumar!
.

 

.

 

Sést til lunda í Vestmannaeyjum

Adam Lambert

Ég hef verið að fylgjast með American Idol-inu. Mikið rosalega syngur þessi drengur vel.
Hann verður eflaust stórstjarna. Skemmtileg týpa... fer í rokkgallann, leðurklæddur og málaður... og svo er hann yfirmáta kurteis... þessi söngur hans og túlkun á þessu lagi er algjör klassi.

Fjölgar á heimilinu.

Hún Katla litla köttur var að eignast 4 kettlinga í kvöld... þetta litla saklausa krútt sem er aðeins rúmlega 1 árs gömul sjálf...

Ég hef aldrei sé kött gjóta áður... þetta var magnað...

Við sáum það snemma í dag að það myndi draga til tíðinda...

Það sem maður sá í gegnum þetta ferli var að það þarf ekkert að kenna dýrunum hvernig þau eiga að haga sér við svona fæðingu. Gáfur og eðliskvöt er allt sem þarf. 

Þegar kom að stundinni þá kallaði Katla litla á Önnu og "bað" hana að vera hjá sér.

Anna var ljósmóðrinn strauk Kötlu og talaði blíðlega við hana... síðan komu kettlingarnir einn af öðrum. Katla sleikti þá og síðan voru þeir komnir á spena.
Sá þriði sem kom út var eitthvað að flýta sér og hreinlega "stakk" sér út í lífið eins og sundmaður í keppni... svo lá hann dasaður á eftir.
Það kom mér á óvart hvað þeir voru stórir. Við vorum búinn að giska á hvað hún myndi eignast marga. Anna sagði 4, ég sagði 5... held að hún sé nú hætt svo 4 voru það...

Það er ekki laust við að maður sé sjálfur dálítið dasaður á eftir.

Hér er svo mynd af mömmunni þegar hún var sjálf bara nokkurra vikna.
.

.

Mannréttindi

Ég sá myndina sem þessi stúlka lék í, Slumdog Millionaire og fannst myndin alveg frábær.

Óhugnanlegur er hugsanaháttur mannsins að vilja selja dóttur sína. Eitthvað sem ómögulegt er að skilja. Mannréttindi eru ekki hátt skrifuð á þessum slóðum.
Vandamál okkar Íslendinga eru léttvæg í samanburði við þau sem þetta fólk glímir við.

Það er einnig skrýtið að stúlkan skildi ekki hafa fengið góða borgun fyrir leik sinn í myndinni.  Hollywood leikkona fengið himinháa summu fyrir smá hlutverk í sömu mynd.
.

 

.

Býður fræga dóttur til sölu

Ararnir

Einu sinni var rakari
sem langaði að vera bakari
þetta er sko enginn brandari

Svo var líka slökkvari
sem langaði að vera kveikjari
og vera miklu bjartari

Svo var einn hægari
sem vildi vera fljótari
en varð svo bara ljótari

Þá var líka sótari
sem vildi vera hvítari
en varð alltaf svartari

Svo var einn kaldari
sem vildi vera heitari
en við það varð hann feitari

Þá var einn frekari
hann var miklu latari
og óttalegur nöldrari

Að lokum var það rappari
Hann var miklu rauðari
Og ansi mikið Brattari
.

.

 

Maður lifir ekki á útsýninu!

Stundum verður maður orðlaus.
Var að reyna að skiptast á skoðunum við einn Sjálfstæðismann á blogginu. Sagði honum hvað mér fyndist þeir, Sjálfstæðismenn, bera litla virðingu fyrir náttúrunni. Vildu virkja alla fossa  o.s.frv.... Sjálfstæðismaðurinn svaraði:

"Ég er nú ekki þeirrar skoðunar að óbeisluð straumvötn séu til mikils gagns.
Maður lifir ekki á útsýninu."

Og þar sem ég varð orðlaus eftir þessa yfirlýsingu Sjálfstæðismannsins, þá gef ég Unni Benediktsdóttur Bjarklind orðið. Unnur fæddist á Auðnum í Laxárdal árið 1881.

Hver á sér fegra föðurland
með fjöll og dali og bláan sand
með norðurljósa bjarmaband
og björk og lind í hlíð?
Með friðsæl býli, ljós og ljóð,
svo langt frá heimsins vígaslóð.
Geym, drottinn, okkar dýra land
er duna jarðarstríð.
.

.

 

Auðmannafangelsi

ÖND-VEGIS-FLOKKURINN mun berjast með kjafti og klóm fyrir því að Sjálfstæðisflokkurinn vinni ekki fylgi af honum þá viku sem til stefnu er fram að kosningum.

Hvaða flokkur hefur öflugri og skýrari sýn heldur en...

ÖND-VEGIS-FLOKKURINN?

 

Ö ER EKKERT BÖ!

 

Ö er ekkert bö segir nákvæmlega allt sem segja þarf um stefnu flokksins.

Eins og áður hefur komið fram er aðal mál flokksins að flytja inn mörgæsir og sleppa þeim á Vatnajökul. Bora svo jarðgöng frá Bolungarvík að Vatnajökli. En aðeins um þessi jarðgöng verði möguleiki fyrir túrista að skoða mörgæsirnar á Vatnajökli. Mjög atvinnuskapandi verkefni.

Annað mál sem við í ÖND-VEGIS-FLOKKNUM viljum setja á oddinn er að reisa lúxus Auðmannafangelsi. Útrásarvíkingarnir munu sjálfir byggja það og læsa sig svo inni á eftir.

Lýður Oddsson verður fangelsisstjóri.

Kjósendur góðir hÖÖÖÖfnum Sjálfgræðisflokknum.
.

.

 

Ö ER EKKERT BÖÖÖÖÖÖÖÖ!

Þarf að vinna litla sigra á hverjum degi