Í sturtunni

Ég fór í sund í kvöld.
Í búningsklefanum og í sturtunni getur maður stundum orðið vitni að fróðlegum umræðum.

Í kvöld varð ég vitni að þessu samtali.

Maður 1 ávarpar mann 2)

"Á morgun eru 141 dagur til jóla". 

(Ég hugsaði lengi um það og hugsa um það enn af hverju hann sagði ekki að í dag væru 142 dagar til jóla???)

Maður 1 heldur áfram og spyr mann 2)

"Ertu búinn með sumarfríið"?

Maður 2 svarar:

"Já en ég á eftir að fara að veiða í nokkra daga".

Það er nefnilega það... að fara að veiða telst greinilega ekki vera sumarfrí lengur.
Maður lærir heilan helling um lífið og tilveruna í sundlaugarsturtunni enda sálin svo hrein eftir gott bað.
.

 

.

 

 

Athugasemdir

[Hrönn Sigurðardóttir, 13.8.2009 kl. 15:51]

jú sko.... af því að það var komið kvöld í gær þegar hann sagði það... Honum hefur ekki fundist smart að segja "Í kvöld eru nánast 142 dagar til jóla..."

Það hefur ekkert komið fram hvað maðurinn ætlaði að veiða? 

[Einar Indriðason, 13.8.2009 kl. 21:33]

Svo er talan 141 flottari heldur en 142... meiri svona.. Samhverfa í henni.

[Halldór Egill Guðnason, 15.8.2009 kl. 10:36]

Kæri Brattur. Þú ert verri en IKEA. Farinn að tala um jólin í ágúst! Annars bestu kveðjur í Borgarnes frá Tuðaranum á Eldlandinu, þar sem vorið er á næstu grösum, eða þannig.