Stikkhúfa - svarið við getrauninni

Jæja, þá er komið að því að birta svarið við getrauninni sem ég var með í gær.

Þakka öllum sem tóku þátt snyrtilega fyrir... margar skemmtilegar tilgátur bárust, en engin þeirra reyndist rétt..

Stikkhúfa er.... trommusláttur............................... TAPPI á gosflösku!

Já, þetta vissu hvorki þeir Óli kolamoli né Sandhóla Pétur... og hvað þá Gunnar Helgi. Hann vissi ekki baun...

.

.

Í mínu ungdæmi var til leikur sem hét Stikk. Hann gekk út á það að töppum af gosflöskum (úr gleri n.b.)var rennt eftir gólfi og að gólflista eða einhverri línu sem var á gólfinu. Sá sem átti flesta tappana sem næst voru línunni eða gólflistanum vann leikinn.

Síðan er tappi náttúrulega húfa á gosflösku og þá er nafnið komið : Stikkhúfa.

 

Athugasemdir

[Ragnheiður , 17.3.2008 kl. 22:56]

Jahá...magnað -ekki vissi ég þetta.

[Halldór Egill Guðnason, 18.3.2008 kl. 03:52]

Man eftir  þessu. Mundi bara ekki nafnið

[Edda Agnarsdóttir, 18.3.2008 kl. 10:47]

Mig minnir að þetta hafi verið kallað hark á suðrinu, eða var það kannski fimmaurahark?

[Ragnheiður , 18.3.2008 kl. 18:53]

Jú það var kallað hark hérna fyrir sunnan.

[Brattur, 18.3.2008 kl. 19:05]

já... hark, segið þið...  ekki nema von að þið vissuð ekki rétta orðið... svo langt í burtu frá Tröllaskaga sem þið voruð... ... en nú er þetta komið á hreint, enda löngu tímabært... hark... ég á ekki orð...

[Þorsteinn Valur Baldvinsson, 18.3.2008 kl. 22:34]

Leikurinn Hark var í Kópavoginum þannig að maður notaði mynnt, og helst 2 krónu peninga.

Þeim var hent upp að vegg og sá sem kom sýnum pening næst veggnum, mátti hirða alla peningana sem kastað var, aðal harkarinn hreinsaði smátt og smátt upp peningana.

Það er svo talað um harkara, í merkingunni, leigubílstjóri sem tekur stuttu túrana í kringum lokunartíma skemmtistaða.

Svona hraða afgreiðslu á mörgum viðskiptavinum.

[Brattur, 18.3.2008 kl. 22:50]

já, Þorsteinn Valur skemmtilegar viðbótarupplýsingar... gaman að þessu... þarna kemur skýringin á þeim sem kallaðir eru "harkarar"... alltaf skýringar á öllum hlutum, takk fyrir þetta...