Maltextrakt

... eins og flestir vita er Maltölið allra meina bót... það stendur á dósinni...

... einu sinni gerðum ég og vinur minn tilraun... annar okkar drakk Maltöl heila kvöldstund og hinn bjór... um morguninn, daginn eftir, stilltum við okkur svo upp fyrir framar spegilinn til að sjá hvor okkar liti betur út... og hver haldið þið að hafi unnið?... ég eða hann hmmm... þið verðið náttúrulega fyrst að geta upp á því hvor drakk Maltið....

 

Það er vetur og það er kalt
poppið er gott en heldur salt
ég sé engar flugur út um allt

Nú verð ég að fá mér ískalt malt

.

.

Maltextrakt - Nærandi og styrkjandi, gefur hraustlegt og gott útlit -

 - Bætir meltinguna -

 

Athugasemdir

[Ásgeir Kristinn Lárusson, 1.2.2008 kl. 21:00]

Þó ég sé hættur neyslu áfengra drykkja (sam.kv. læknisráði!), þá mættu þeir Á.T.VerjaR gjarnan bjóða uppá extrasterkt Malt, segjum 5,9%. Gæti orðið afbragðs útrásarbjór!!!

[Ragnheiður , 1.2.2008 kl. 21:02]

Úgg...malt er ógeðslegt. Það er í einu skiptin sem minn karl þarf að vera í öðru herbergi, þegar hann drekkur malt. Ef hann fer að drekka mikið malt þá held ég að ég skilji hintið...hm

[Gunnar Helgi Eysteinsson, 1.2.2008 kl. 21:29]

Malt er æðislegt...

[Þórey Dögg Jónsdóttir (IP-tala skráð) 1.2.2008 kl. 22:58]

Sammála...malt er æðislegt..

Malt er svalt....

öl er betra en söl...

Bjór er betri en sjór...

rím er betra en lím...

Skálda- og rímgyðjan hefur yfirgefið mig.

  Kveðja til allra frá mér. 

[Þorsteinn Valur Baldvinsson, 1.2.2008 kl. 23:57]

Styð tillögu Ásgeirs eindregið, verst að ég missti alla mína drykkjufélaga inn á Vog fyrir nokkuð mörgum árum.

Sjálfhætt eftir það, en örugglega gaman samt að skála í Malt

[Halldór Egill Guðnason, 2.2.2008 kl. 00:36]

Er alveg viss um að þú varst í Maltinu Brattur. Þú hefur litið vel út síðan með þitt hraustlega og góða útlit.  Mamma mín drakk alltaf Malt með mig í maganum og gott ef ég hafði bara ekki gott af því. Hún át líka gulrætur eins og "Roger Rabbit" og sennilega var það þess vegna sem ég fæddist appelsínugulur og með ótöðvandi niðurgang Ég hef ætíð haldið tryggð við Maltið, en það verður líka að vera frá Agli Skallagrímssyni. Lélegar eftirlíkingar komast ekki með tappann þar sem Maltið er með flöskubotninn.  

[Júdas, 2.2.2008 kl. 13:20]

Þú ert ábyggilega þessi maltoholisti..........

Þótt viðri illa og úti sé kalt

engan sinn líkan og fattur.

Ferðast um foldu og innbyrðir malt

fegurri en sólin hann Brattur.

J.I

[Agnes Ólöf Thorarensen, 2.2.2008 kl. 15:51]

malt er gott....

[Ásgeir Rúnar Helgason, 2.2.2008 kl. 17:43]

Ertu nokkuð á mála hjá Agli Skalla Gísli minn? Annars er það alltaf mitt fyrsta verk þegar ég kem heim að fara í pylsuvagninn við Laugardalslaugina og fá mér eina grillaða með öllu og að sjálfsögðu Malt í gleri. Svo ég skála bara fyrir því og tek undir með nafna mínum hér að ofan.