Að passa eða passa ekki

Þegar maður kaupir sé buxur eða skyrtu þá mátar maður áður en kaupin eru ákveðin. Athugar hvort að flíkurnar passi. Fer í til þess gerðan mátunarklefa í búðinni.

Þetta er bara mjög eðlilegt í alla staði, því ekki vill maður ganga í fötum sem passa ekki.

En það eru fleiri hlutir en föt sem maður þarf að kaupa og þurfa að passa.

Við í fjölskyldunni fjárfestum í klósettsetu um daginn. Við völdum þá setu sem að okkur fannst fallegust og líklegust til að passa við alla bossana í familíunni, sem eru jú af öllum stærðum og gerðum eins og í öðrum familíum.

Þetta er nefnilega ekki svo auðvelt... ekki fer maður út í búð og kaupir buxur sem passa á alla fjölskylduna, ha ?
.

 

.

Það er stórmál að kaupa nýja klósettsetu. Það er alltaf verið að tala um að maður eyði svo og svo miklum tíma ævi sinnar í rúminu og þurfi því eiga topprúm sem fer vel með mann.

Ég er ekki að segja að maður eyði svipuðum tíma ævinnar á klósettsetunni en hann er samt drjúgur skal ég segja ykkur. Maður á því að kaupa og nota eingöngu topp klósettsetur.

Það er því furðulegt að í byggingavöruverslunum skuli ekki vera til mátunarklefar þar sem maður getur farið inn með nokkrar setur undir hendinni og mátað.

En við komum sem sagt heim með nýju klósettsetuna okkar og þá loksins gátum við öll mátað. Og viti menn, hún passaði ekki. Nú sitjum við uppi með klósettsetu sem passar ekki fyrir alla, því ekki er hægt að skila henni aftur af skiljanlegum ástæðum.

Vil ég því, eftir þessa bitru reynslu, skora á allar byggingavöruverslanir í landinu að koma sér upp mátunarklefa fyrir klósettsetur sem allar fyrst.
.

 

.

 

Athugasemdir

[Óskar Þorkelsson, 22.8.2010 kl. 12:30]

tek undir með þér heilshugar.. þetta vandamál hefur loðað ansi lengi við í minni fjölskyldu

[Brjánn Guðjónsson, 22.8.2010 kl. 16:18]

http://www.youtube.com/watch?v=ey4B5BKNN9o&feature=related

[Halldór Egill Guðnason, 30.8.2010 kl. 07:26]

Fjölga klósettum! Eina lausnin í stödunni. Helst eitt á mann/konu. Hér um bord er eitt klósett fyrir hverja 20 menn. 5 klósett fyrir 100 manns! Reyndar gengur ekki ad hafa 100 klósett, en haegt ad leysa málid med einni zetu á mann. Svona "plug and play" zetu. Best ad raeda vid útgerdarmanninn. Bestu kvedjur í Borgarnes.