Allt að koma

Þetta var góður leikur hjá mínum mönnum, sérstaklega var gaman að sjá flott samspil í seinni hálfleik. Markið hjá Berbatov var með glæsilegri mörkum og kappinn sá virðist vera í fanta formi.

Skil samt ekki ennþá vin minn Sir Alex að hafa John O´Shea í hægri bakvarðastöðunni. Hlakka til að sjá Rafael spila í hans stað. Það er miklu meiri sóknarþungi og hraði sem kemur með honum.

Chris Smalling kom inn á í sínum fyrsta leik. Ekki var hægt að dæma getu hans þær mínútur sem hann var inn á... virtist nokkuð óöruggur og ekki nema von.

Annars er það miðjan sem veldur manni pínulitlum áhyggjum... Hargreaves er örugglega alveg út ú myndinni. Stefan Defour, ungur belgískur miðjumaður hefur verið orðaður við United (eins og svo margir aðrir) en félagaglugginn lokar núna um mánaðarmótin og ekki líklegt að United kaupi nýjan leikmann fyrir þann tíma. Michael Carrick verður nú að standa upp og sína fulla getu. Hann á mikið inni og er feikilega góður leikmaður þegar hann er í formi.

W.B.A. á að leika í dag kl. 14:00 fallbaráttuleik. Vonandi standa þeir sig vel. Hef alltaf haft taugar til þeirra.
.

.

Tókuð þið eftir að ég minntist ekkert á Liverpool í þessari færslu ?

Ferguson: Rooney fullur af orku

Femína

Femína er undur
hún er engum lík.
Femína er ekki hundur
Femína er tík.

.

 

.

Æææææææææææ

Það fór eins og ég óttaðist... Liverpool tapaði æææææææææææææææææææææææææ

Þeir eru nú einu sæti frá fallsæti eða í 17. sæti. Vek sérstaka athygli á að Fulham er í 14. sæti.

Sumir gætu haldið að það hlakkaði í mér yfir óförum Liverpool. Verð að viðurkenna að það er smá púki í mér sem hlær og hlær... er eiginlega að springa úr hlátri... en ég leyfi honum ekki að ná yfirhöndinni... en úpps.... kom púkaskrattinn ekki aftur og náði yfirhöndinni og hann liggur nú á gólfinu við fætur mína og emjar...
.

.

Verð að ljúka þessu núna meðan ég slæst við púkann. 

Tévez með tvö mörk í 3:0 sigri City á Liverpool

Óheppnir

Óheppnir mínir menn að vinna ekki í dag en það verður bara að segja um Fulham að þeir voru bara erfiðir og nokkuð góðir á köflum.

Spái því að Fulham verði t.d. fyrir ofan Liverpool á töflunni í vor.

Annars er þessi leikur að baki, þýðir ekkert að snökta lengur yfir töpuðum 2 stigum og það er nú bara ágúst ennþá.

Vona bara að Man. City vinni sinn leik annað kvöld. Hef alltaf haldið svolítið með þeim
.

 

.

Hangeland skúrkur og hetja gegn Man.Utd

Að passa eða passa ekki

Þegar maður kaupir sé buxur eða skyrtu þá mátar maður áður en kaupin eru ákveðin. Athugar hvort að flíkurnar passi. Fer í til þess gerðan mátunarklefa í búðinni.

Þetta er bara mjög eðlilegt í alla staði, því ekki vill maður ganga í fötum sem passa ekki.

En það eru fleiri hlutir en föt sem maður þarf að kaupa og þurfa að passa.

Við í fjölskyldunni fjárfestum í klósettsetu um daginn. Við völdum þá setu sem að okkur fannst fallegust og líklegust til að passa við alla bossana í familíunni, sem eru jú af öllum stærðum og gerðum eins og í öðrum familíum.

Þetta er nefnilega ekki svo auðvelt... ekki fer maður út í búð og kaupir buxur sem passa á alla fjölskylduna, ha ?
.

 

.

Það er stórmál að kaupa nýja klósettsetu. Það er alltaf verið að tala um að maður eyði svo og svo miklum tíma ævi sinnar í rúminu og þurfi því eiga topprúm sem fer vel með mann.

Ég er ekki að segja að maður eyði svipuðum tíma ævinnar á klósettsetunni en hann er samt drjúgur skal ég segja ykkur. Maður á því að kaupa og nota eingöngu topp klósettsetur.

Það er því furðulegt að í byggingavöruverslunum skuli ekki vera til mátunarklefar þar sem maður getur farið inn með nokkrar setur undir hendinni og mátað.

En við komum sem sagt heim með nýju klósettsetuna okkar og þá loksins gátum við öll mátað. Og viti menn, hún passaði ekki. Nú sitjum við uppi með klósettsetu sem passar ekki fyrir alla, því ekki er hægt að skila henni aftur af skiljanlegum ástæðum.

Vil ég því, eftir þessa bitru reynslu, skora á allar byggingavöruverslanir í landinu að koma sér upp mátunarklefa fyrir klósettsetur sem allar fyrst.
.

 

.

 

Ég hef áhyggjur af Liverpool

Það er fínt að eiga Rio inni þegar líður að jólum.

Við Ferguson höfum ekkert sérstakar áhyggjur af þessu, það er annað sem liggur frekar þungt á okkur.

Áður en lengra er haldið þá vil ég segja það að ég ætlaði ekkert að minnast á Liverpool í þessari færslu. En einhverra hluta vegna er mér það erfitt.

Þeir voru víst að spila í gærkvöldið og unnu eitthvert lið sem heitir Trabant eða eitthvað svoleiðis. Í hvaða keppni það er nú veit ég ekki.

Ég sé líka að Liverpool er sem stendur í 10. sæti í ensku deildinni en það eru nú bara kunnuglegar slóðir.

Þá á Liverpool að spila á útivelli á mánudagskvöldið við Man. City. Er hræddur um að eftir þann leik verði þeir komnir í fallhættu.

Ég hef áhyggjur af þessu, verð að segja það.
.

.

Ferdinand ekki klár fyrr en eftir sex vikur

Góð byrjun hjá okkur.

Mjög léttur leikur hjá United. Það er himinn og haf á milli Man. United og Newcastle United.

Það sem gladdi augað sérstaklega var að sjá Berbatov skora og Giggs með frábært mark í eftirrétt.
Tók´ann á lofti eftir sendingu frá Scholes... ég hefði ekki gert þetta betur.

Leikmenn Newcastle ætla að safna skeggi þar til fyrsti sigurinn vinnst. Með svona leik verða þeir komnir með skegg niður á nafla um jólin.

United komið með 3 stig og hafa þegar stungið Liverpool af. Ég er reyndar hálfgerður púllari í mér... held alltaf á haustinn að Liverpool muni blanda sér í baráttuna en sé eftir fyrstu umferð að þeir eru bara svona Fulham/Blackburn lið.
Sé ekki nein lið sem koma til með að veita M.United og Chelsea einhverja keppni í vetur... sorrý vinir mínir í Liverpool... en ekki vera súrir, þetta er nú bara fótbolti.

.

.

Öruggur sigur Man. Utd á Newcastle

Til hamingju Liverpool

Óska Liverpoolurum öllum til hamingju með fyrsta stigið.

Markið hjá Reina var sérlega glæsilegt.

Ætli það sé búið að losa kallinn úr netmöskvunum ?

.

 

.

Pepe Reina tryggði Arsenal eitt stig

Man. United verða óstöðvandi í vetur

Jæja, þá fer vertíðin að byrja og ekki laust við að maður sé bara verulega bjartsýnn á að mínir menn verði öflugir í vetur.

Sir-inn hefur reyndar ekki verið að kaupa neinar stórstjörnur, enda þarf hann þess ekki... hann bara býr þær til.

Það er fullt af ungum mönnum sem eru einu ári eldri en í fyrra eins og Gibson, Macheda, Danny Welbeck og Mame Diouf... þessir eiga eflaust eftir að vekja athygli í vetur.

Þá virðist Javier Hernandez vera öflugur... gaman að fylgjast með hvernig honum vegnar... um Chris Smalling veit ég lítið sem ekkert en hlakka til að sjá til hans.

Síðan erum við náttúrulega með fallbyssurnar;

Rooney, Brebatov, Owen, Nani, Valencia, Fletcher, Carrick, Park, Vidic, Evra, Ferdinand... og gömlu brýnin; Giggs, Scholes og Neville.

Gleymum svo ekki brasilísku tvíburunum, Fabio da Silva og Rafael da Silva... algjörar hraðlestir...

Þá hef ég enn ekki nefnt harðjaxlana Wes Brown og John O´Shea

Þetta er skuggaleg upptalning... ég á von á léttu og skemmtilegu United liði í vetur... við tökum deildina með stæl og byrjum á að vinna Chelsea á sunnudaginn...

Sendi að lokum baráttukveðjur til vina minna sem styðja Liverpool... verið vongóðir félagar... a.m.k. fram að jólum.
.

 

.

 

Park með tvennu í stórsigri Man. Utd

Andarnir í kringum okkur

Hafið þið velt fyrir ykkur öllum öndunum sem eru á sveimi í kringum okkur ?

Hver ætli sé nú minn uppáhalds andi ?

Grát-andi

Synd-andi

Vín-andi

Skín-andi

Þamb-andi

Samb-andi

Hlaup-andi

Gang-andi

Elsk-andi

Bros-andi

Borð-andi

Vak-andi

Sof-andi

Geysp-andi

Slef-andi

Tal-andi

Mal-andi

Hjól-andi

Spól-andi

Bölv-andi

Ragn-andi

Hnerr-andi

Trall-andi

Sjá-andi

Fj-andi

Handy-andi
.

 

.