Austur á bóginn

Eftir að hafa ryksugað, horft á Arsenal og drukkið bjór heima hjá Zteingrími ákváðu Magnús fíll og Hanni Bali að halda austur og heimsækja austfjarðarbóginn hann Val... Magnús fíll skokkaði í gegnum alla Mývatnssveitina og þeytti rana... Hanni Bali sat á baki hans og veifaði til mannfjöldans... hann dreifði fílakaramellum á báðar hendur... nokkrar mýflugur eyddu síðustu andartökum lífs síns í rana Magnúsar.

.

 

.

Hanni Bali vildi ólmur fara í Jarðböðin og bað Magnús að bíða úti á  meðan. Með svalandi drykk lagði Hanni Bali sig út af í hlýju vatninu. Hann var nærri sofnaður þegar stór alda skall á nefinu á honum og fyllti það gjörsamlega. Hanni Bali spratt á fætur og saup hveljur. Fólk öskraði og hrópaði... Hanni Bali sá þá hvar Magnús Fíll kom skjögrandi  niður í lónið og settist með miklum látum í heita vatnið... saup og spítti vatninu í allar áttir. Frissi gamli frá Faraldsfæti sem hafði verið að svamla um á vindsæng, þeyttist nú eins og steinn sem fleytir kellingar og hvarf út úr lóninu og út í hraun þar sem mamma hans var að baka rúgbrauð.

.

 

.

Hanni Bali skammaði Magnús eins og hund sem er illa hægt við fíla. Fóru þeir uppúr, leigðu 33 handklæði til að þurrka Magnúsi.

Hálf sneypulegur þrammaði Magnús af stað í austurátt. Hanni Bali sat brúnaþungur uppi á honum og tuggði síðustu fílakaramelluna.

Magnús greyið þoldi illa lyktina af hverunum í Námaskarði og varð Hanni Bali að binda hnút á ranann meðan þeir hlupu fram hjá gráum og ólgandi drulluhverunum.

Sættust þeir félagar heilum sáttum eftir að vera lausir við hverafnykinn. Smellti Hanni Bali kossi á gráan ranann. Magnús brosti og fann hvernig hamingjustraumur þaut eftir rananum og niður í tær.

Í kvöldkyrrðinni barst ljúfur fílasöngur útí mosagróið hraunið.

Í næsta kafla ná þeir félagar svo vonandi á leiðarenda til Austfjarðar bógsins Vals.

 

 

 

Hanni Bali á ferð um landið.

Einu sinni var maður sem hét Hanni Bali. Hann átti fíl sem hét Magnús.

.

 

.

Þeir félagarnir ákváðu að fara hringferð um landið og skoða mannlífið.

Fyrst fóru þeir norður og bönkuðu upp hjá Zteingrími. Hann var einn heima, en konudýrið var hvergi sjáanlegt. "Hér hefur ekki verið ryksugað lengi, tjáði Zteingrímur þeim félögum". "Það er ekki vandamál sagði Magnús, fíll". Svo setti hann ranann á sér í gang og ryksugaði hverja ló og hver sandkorn í húsakynnum Zteingríms. "Nú verður konudýrið hlessa þegar það kemur heim" sagði Zteingrímur. Það heldur að ég hafi gert þetta og bakar örugglega handa mér lummur í kvöld".

Á meðan Magnús ryksugað húsið sátu Zteingrímur og Hanni Bali upp í sófa og horfðu á gamla upptöku af leik með Arsenal á móti Brighton & Hove Albion, þar sem Arsenal vann 1-0. Hanni Bali drakk ískaldan Kalda, en Zteingrímur sötraði Blóðbergste og naut leiksins.

Í næsta kafla halda þeir félagar ferð sinni um landið áfram og mig minnir að þeir fari austur næst.

Kitl

... getið þið kitlað ykkur sjálf?... nei líklega ekki... ég er búinn að gera þessa tilraun... reynt að koma sjálfum mér á óvart og kitlað mig skyndilega... án þess að ég sé viðbúinn kitlinu... ég meira að segja reyndi einu sinni að kitla mig þegar ég var sofandi eina nóttina...en það gerist bara ekki... ég flissa ekki einju sinni...

Ég fór því á Vísindavefinn og sá þetta:

Þegar aðrir kitla okkur þá er um að ræða áreiti sem við eigum ekki von á (jafnvel þótt við vitum að það eigi að kitla okkur) og við sýnum viðbrögð.

Þegar við reynum hins vegar að kitla okkur sjálf þá á heilinn von á áreitinu, býr sig undir að skynja snertinguna og útiloka viðbragð.

Skil samt ekki alveg eftir hlutann þarna... um að ræða áreiti sem við eigum ekki von á (jafnvel þótt við vitum að það eigi að kitla okkur)... eigum við þá ekki von á að verða kitluð þótt við vitum að það eigi að kitla okkur... skiljið þið þetta?

.

 

.

 

Flís

Stundum segir maður eitthvað án þess að spá verulega í það hvað það þýðir.

Segjum við ekki oft... jahá... þetta passar eins og flís við rass...

Hvað erum við eiginlega að meina?

Hvaða flís er þetta?

Er þetta flísin á baðherberginu?

Er þetta flísin í auga bróður míns?

Er þetta væna flísin af feitum sauð?

Eða er þetta gamla flíspeysan?

Hugsum aðeins út í það sem við erum að segja og ekki vaða á súðum... hugsanalaust.

Vaða á súðum... hvað er ég eiginlega að meina?

Hef ég einhvern tíman vaðið á súðum, ekki man ég til þess.

.

 

.

 

 

C þig

Datt í hug að við gætum sparað stóru orðin í íslenskunni ef við notuðum C-ið meira... dæmi:

Ég sá Cra Hannes og hann sagði við mig. Ég C þig og ég svaraði ég C til... þá sagði Cra Hannes.

Hver Cr mig?

Og ég svaraði, enginn Crstakur.

Síðan tókum við Cra Hannes tappa úr Cnýverflösku og sungum sígaunasöngva fram á nótt. 

Það Cst í tunglið, það Cst í tunglið... söngluðum við hrjúfum röddum og Cfferhundur rak upp gól bak við runna.

Ég hef ekki Cð Cra Hannes síðan þá.

Er ég ekki mikið Cný?

.

.

Sent - sorgleg saga

Sent heitinn var minnistæður hundur... alltaf hálf veiklulegur og fölur í framan... maður vissi það einhvern veginn alltaf að Guð myndi kalla hann til sín áður en hann yrði gamall...

Sent var, þrátt fyrir veiklulegt útlit, mjög skemmtilegur og kom manni alltaf í gott skap þegar við hittumst. Hann stakk við.

Svo kom að því sem ég óttaðist, Sent veiktist heiftarlega... og svo dó Sent...

.

.

Smáa letrið.
Eins og oft áður er þessi saga uppspuni frá rótum. 

 

Áfram Tyrkland

Tyrkirnir miklu betri í fyrri hálfleik... kemur skemmtilega á óvart... get ekki að því gert að mér finnst Þjóðverjarnir þunglamalegir og ruddalegir...

Væri ekki amalegt að fá Tyrki og Rússa í úrslit... skemmtilegustu liðin sem ég hef sé í keppninni.

Hver hefði spáð þeim úrslitaleik fyrirfram? Fótboltinn kemur alltaf á óvart... þess vegna er hann svona skemmtilegur.

Ný nöfn komin fram á sjónarsviðið eins og þessi Kazim... skruggugóður...

 

.

.

 

Þjóðverjar unnu Tyrki 3:2 og leika til úrslita

Viðutan Brattur

Ég lenti í smá klandri um daginn... settist við tölvuna og var að vafra um... fékk mér kalda Mix, Conga súkkulaði og lakkrísreimar...

Ég einbeitti mér nú að tölvunni og var að lesa og skrifa eitthvað eins og gengur... úðaði í mig Conga og lakkrísreimum... án þess að spá í hvað ég var að gera.

En úpps... helv... var ein reimin seig... ég japlaði á henni smá stund annars hugar, en svo kom óbragð í munninn...

Og hvað haldið þið... ég var kominn með hálfa rafmagnssnúruna úr tölvunni upp í mig... objakk...

.

.

 

 

 

Orð eru skrítin

Af hverju eru orð og orðasambönd eins og þau eru... sumt gæti verið öðruvísi með smá breytingum:

Úrillur.................... Klukku illur

Laus og liðugur ..... Laus og stirður

Bandbrjálaður....... Snærisvitlaus

Seinheppinn......... Snöggheppinn

Hermikráka......... Hermisandlóa

Herðablöð........... Losablöð

Markvörður........ Mark næturvörður

Bakvörður......... Magavörður

Buxnaklauf........ Buxnaklaufi

Gaddafi............ Gaddamma

.

 

.

 

 

VAL

 

Sífellt erum við að velja eða hafna

mér finnst skemmtilegra  að velja

en hafna

í neðsta sæti

sífellt erum við að hrökkva eða stökkva

mér finnst skemmtilegra að stökkva

en hrökkva upp af.

.

 

.