Heiglar

Nú skulum við snúa okkur að íslenskunni.

Flestir kannast við orðtækið "Það er ekki heiglum hent"

Á ég að segja ykkur hvaðan það er upprunnið?

Jú það er þannig að á lítilli eyju sem heitir Marabara býr fólk sem hefur  rosalega gaman af því að henda öllum sköpuðum hlutum.
Það tekur bara allt lauslegt og hendir því í ruslið eða bara út í buskann. Þess vegna er ekkert lauslegt til á Marabara, engir kettir og engir hundar.

Þó er það eitt sem má alls ekki henda á Marabara, en það eru Heiglar. Og hvað eru eiginlega heiglar, kunnið þið að spyrja. Heiglar eru litlir álfar sem búa á Marabara. Þeir búa við lækjarbakka og eru alltaf sprækir og skemmtilegir. Þeir eru heilagir eins og kýrnar á Indlandi.
Fólk trúir því að ef Heilglum er hent, þá muni Marabara sökkva í sæ.

Á heimilum okkar á Íslandi erum við með "Drottinn blessi heimilið" upp á vegg í fallegum ramma.

Á Marabara eru þeir með innrammað upp á veggjum í öllum herbergjum.

"Það er ekki Heiglum hent"
.

.

 

Fjarskyldi frændi minn

Hann fjarskyldi frændi minn hefði átt að verða lögfræðingur.

Hann var um daginn að tala um sumarbústaðinn sinn við vatnið. Öðru megin við hann var ágætis nágranni, en hinu megin var leiðindaskarfur, eins og frændi minn komst að orði.

Já, sagði fjarskyldi frændi minn. Þessi nágranni er alltaf með vesen. Hvaða vesen er á þessum nágranna þínum, spurði ég.

Ég byggði mér bátaskýli í fyrra og nágranninn kvartar stöðugt undan því að ég hafi tekið af honum útsýnið.

Og hverju svaraðir þú frændi?

Ég sagði honum bara að það væri ekki mitt að útvega honum útsýni!
.

.

Ég er fúll

Eins og oft áður erum við Sir Alex og Sir Brattur hjartanlega sammála... .spjaldið sem Rooney fékk var óskiljanlegt... hann henti boltanum í áttina að þeim stað sem átti að taka aukaspyrnuna... skiptir máli hvort boltanum var hent fast eða laust...  má þá ekki alveg eins dæma af mark þar sem boltanum er skotið of fast í markið?

Dómarinn var ekki sjálfum sér samkvæmur í þessum leik. Í leiknum var dæmd aukaspyrna á Fulham. Leikmaður Fulham spyrnti boltanum langt í burtu eftir að dómarinn hafði flautað. Hann komst upp með það... ekkert spjald... það er ekki sama hver er... sér Jón eða séra Liverpool...

En ekki ætla ég að kenna dómaranum um tapið... það pusar bara pínulítið á United bátinn í augnablikinu...

En við munum sigla lygnan sjó í átt að Englandsmeistaratitlinum þó að blási á móti í dag.

Sir Brattur kveður og hefur ákveðið að vera Fúll-ham til hádegis.
.

.

Ferguson æfur vegna rauða spjaldsins

Hvað eruð þið að pæla?

Það er svo margt sem maður hugsar ekkert út í... nú, kunnið þið að spyrja... eins og hvað?

Hafið þið t.d. hugsað út í það hver það var sem fann upp rörtöngina?

Vissi það, þið hafið bara aldrei pælt í því.

Hafið þið einhvern tímann hugsað út í það hvernig blýið er sett inn í blýantana?

Vissi það, þið eruð aldrei að pæla í blýöntum... haldið þið kannski að þeir fæðist bara svona? 

Af hverju hefur drullupollum fækkað á Íslandi svo þeir eru nánast í útrýmingarhættu?

Vissi það, þið eruð bara ekkert að pæla í drullupollum.

Þá spyr ég; hvað eruð þið eiginlega að pæla???
.

 

.

 

Tvær sálir

Svo undarlegt er sálir mætast tvær
sem þekkjast síðan einhvern tíma fyrr
þar birtist sanna ástin, alveg tær
og hugurinn er sáttur, glaður, kyrr 

Svo ferðast þær um friðsæl ókunn lönd
og fá að njóta samvistar um hríð
þær ganga alltaf saman, hönd í hönd
og hjörtun slá í takti alla tíð

Að endingu þá skiljast þeirra leiðir
þær horfast  lengi í augu, fella tár
að kveðja vin sinn, gamlar sálir meiðir
þær sakna og finna til í þúsund ár

Höf: AE/GG
.

 

.

 

Reynir

Hver er þessi Reynir sem á svona mikið...

Enginn veit fyrr en Reynir á hvort vini áttu þá.

Þegar Reynir okkur á og erfiðleikar magnast þá.

Reynir.

Hann Reynir á rennandi á
Hann Reynir á allt sem má sjá
Hann Reynir á mig
Hann Reynir á sig
Hann Reynir á Reynir Á.
.

.

 

Hugurinn

Þá er komið að sunnudagshugvekjunni.

Hafði þið velt því fyrir ykkur hvað hugur ykkar er sterkur. Hann tekur ákvarðanir um hvert lappirnar á okkur ætla að ganga í dag. Hann tekur ákvarðanir um hvað við ætlum að segja í dag. Hann tekur ákvarðanir um hvað við ætlum að gera í dag.

Kannski segir hann; best að vera latur í dag. Og þá án þess að þú ráðir nokkuð við það hendir skrokkurinn sér upp í sófa og liggur þar í leti lungað úr deginum.

Kannski langar þig virkilega að slappa af í dag en þá er hugurinn ekki á sama máli og vill fara í sund. Það er sama hvað þú segir í sund skaltu fara því hugurinn ræður för.

Kannski ertu í megrun og ætlar virkilega að standa þig en hugurinn kallar á sælgæti. Það endar með því að þú úðar í þig súkkulaði og lakkrís þangað til þú færð sykursjokk.
.

 

.

Svo er sagt að hugurinn beri þig hálfa leið... þetta er náttúrulega alrangt... ég hef þurft að ganga sjálfur þangað sem ég vil fara og það er ég sem burðast með þennan blessaða huga daginn út og daginn inn.

En hann (hátt hreykir heimskur sér) situr í toppstykkinu og snýr mér í hringi sér til ánægju.

Með óskum um að dagurinn verði ykkur góður.

 

United í góðum málum!

Það er ljúft að mega tapa fyrir litlu liðunum og vera samt öruggir með titilinn...

Skrítinn leikur annars þar sem United var betri aðilinn allan tímann en fá svo á sig nokkur aulamörk...

Rauða spjaldið á Vidic var náttúrulega rugl...

Það mætti svo skrifa langan kafla um dómarann í þessum leik en ég sleppi því... ég er í fínu skapi.
En ég hef örugglega kafla um þennan dómara í ævisögu minni sem á að heita

"Ég og Alex"

En til hamingju Liverpoolarar... það hefur verið svo erfitt hjá ykkur upp á síðkastið að ég bara samgleðst ykkur!
.

 

.

Brattur, aldrei sár... bara tapsár...

Liverpool fagnaði stórsigri á Old Trafford

Kötturinn hjálpar í kreppunni

Við erum með 2 ketti og 1 hund á heimilinu.

Sambúðin gengur ágætlega. Femína er vinur kattanna, en þeir eru aðeins að kýta sín á milli kattaskammirnar.

Rétt hjá okkur er einbýlishús sem er fokhelt. Við það hefur ekkert verið unnið síðan 6. ógurlega þegar kreppan tók völdin.

Katla litla er mjög prúð og fín en afskaplega feimin. Hún hleypur alltaf í felur þegar gestir koma í heimsókn og lætur lítið fara fyrir sér á meðan. Hún er heldur ekkert fyrir kass og kjamm og knús.

Depill, sá stóri fer sínar eigin leiðir. Hann hverfur út á vit ævintýranna í lengri eða skemmri tíma. Svo kemur hann heim og er svangur og vill kela við heimilsfólkið.
.

.

Nú var vont veður í nótt og hann úti... við höldum að hann hafi gist í einbýlishúsinu fokhelda og hann sé í raun fluttur þangað. Kemur bara annað slagið í heimsókn til okkar.

Nú var ég að hugsa hvort ég þurfi ekki að láta flytja lögheimili hans og láta póstinn vita. Láta síðan senda honum alla reikningana, rafmagnið, hitann, símann og allt heila klabbið.

Er þetta ekki gott ráð í kreppunni... láta gæludýrin borga?


Depill.

Ég þarf ekki lengur að geym´ann
Ég læt mér duga að dreym´ann
Eg læt svo yfirvöldin
senda fasteignagjöldin
á köttinn sem flutti að heiman

Litli Liverpoolarinn

Nú eru Liverpoolarar virkilega orðnir kvíðnir fyrir morgundeginum... um það segir í bundnu máli:

Litli Liverpoolarinn.

Ef þú getur ekki sofið
Og allt hjá þér er dofið
Fáðu þér þá hálfa
Töflu fyrir bjálfa.

Þú skelfur bara og svitnar
Þinn ótti vex og fitnar
Hjartsláttur þinn er hraður
Ertu mús eða maður? 

Þú ert allt annað en keikur
Í framan ertu bleikur
Bumban þín er stór og hlý
Ertu frændi Sammy Lee?

Þú ert svo mikið flón
Í slitnum takkaskóm
And you´ll always, always, always
Walk alone.
.

.

 

Benítez: „Verðum að vinna“