Við Alex

Sir Alex hefur mælt öðru sinni í dag og en er ég sammála vini mínum.

Þvílíkur hópur sem United hefur í dag. Held að lykillinn að árangri okkar Alex sé aðallega sá að okkur er treyst til að velja liðið og kaupa þá leikmenn sem við viljum hafa í okkar liði.

Og hvernig leikmenn viljum við hafa.

Duglega, eljusama leikmenn með mikið keppnisskap og sigurvilja.

En þetta er einmitt lýsingin á okkur Alex... svona erum við... þolum illa að tapa og þess vegna verða sigrarnir margir og sætir.
.

 

.

Alex Ferguson: Er með besta leikmannahópinn

Úlfur í sauðagæru

Framsóknarflokkurinn leitar nú allra ráða til að fela ljóta fortíð sína. Halldór og Íraksstríðið, einkavæðingu bankana með Valgerði Sverrisdóttur í broddi fylkingar... og það að vera deild í sjálfstæðisflokknum í mörg ár og bera því ábyrgð á bankahruninu ekki síður en sjálfgræðisflokkurinn...

En nú halda Framsóknarmenn að kjósendur séu búnir að gleyma afglöpum þeirra... en ég hef meiri trúa á Íslendingum en það að þeir fari að kjósa Framsókn í stórum hópum í apríl...

.

 

.

Leið til að opna flokkinn

Alex er brattur

Nú er ég að drekka morgunteið mitt úr Manchester United könnunni minni... fátt er eins hressandi fyrir sálina á morgnana en að lesa viðtal við meistara Alex... ég kemst í svo gott skap bara að sjá mynd af honum!

Þetta er alveg hárrétt mat hjá Ferguson með Barcelona. Að mínu mati eru þeir líka þeir einu sem geta ógnað því að United verið Englandsmeistarar.

Sé ekkert lið annað sem getur ógnað því nema ef vera skyldi Stenhousemuir í Skotlandi. Chris McLeod hefur farið á kostum í vetur fyrir Stenhousemuir og ekki ólíklegt að við Alex kaupum hann í sumar.

Það stefnir allt í fjóra titla í ár. Englandsmeistarar - Evrópumeistarar - FA bikarmeistarar og svo Deildarbikarinn.

Það kemst enginn með tærnar þar sem við Alex höfum axlirnar.
.

 

.

 

Ferguson óttast Barcelona mest

Trúi ekki að fólk kjósi sjálfstæðisflokkinn.

... ég trúi ekki ennþá að 29% þjóðarinnar skuli geta hugsað sér að kjósa sjálfstæðisflokkinn eftir allt sem að sá flokkur er búinn að gera þjóðinni...

Það er sjálfstæðisflokknum aðallega að kenna að þjóðin er allt að því gjaldþrota í dag... með frjálshyggjunni og einkavinavæðingastefnu sinni... sjálfstæðisflokkurinn lét "vini" sína hafa bankana á silfurfati... vini sem kunnu ekki að reka banka... það tók þá ekki nema örfá ár að setja þessa banka á hausinn... "dauða" fjármagnið (eins og Hannes Hólmsteinn komst að orði) var lífgað við en er nú steindauðara en nokkru sinni fyrr...

sjálfstæðisflokkurinn setti síðan kvótakerfið á sem er upphaf spillingarinnar. Kerfi sem bjó til moldríka stétt og skóp mikið misrétti í landinu.

Trúi því ekki kæru landsmenn að þið viljið viðhalda völdum sjálfstæðisflokksins... bara trúi því ekki!!!

Stuðningur við Sjálfstæðisflokk og Samfylkingu eykst

Óðurinn til ostsins

Ostur finnst mér rosalega góður
Til hans er þessi glæsilegi óður

Ég borða svo mikið
að ég passa ekki lengur í fötin
ég borða allan ostinn og líka götin

.

 

 .

 

At vinur minn

Ég átti einu sinni vin sem hét At en hann hvarf...

Ég man vel eftir deginum þegar At hvarf .

Einu sinni bar ég At út á sléttuna það var mikill atburður.

At var latur... ég sá aldrei At vinna.

At var hestamaður... en Barði á Brekku vildi aldrei að At riði Skjóna.

At var skotinn í Sólmundu. Ég vildi vita hvort honum væri alvara og spurði;

Elskar þú hana At?
.

.

 

Nú verður endurflutt...

... nú verður endurflutt leikritið Fulli mælirinn eftir H.G. Hannesson...

Einu sinni var mælir, hann var á gangi úti í sveit með nestið sitt. Hann var ungur og saklaus og ofboðslega hamingjusamur.

Hann var alls óhræddur þó hann væri að hugsa um Rauðhettu og ljóta úlfinn sem át ömmu hennar. Hann átti heiminn, ekkert gat gert honum mein.

Ungi mælirinn settist í græna lautu og horfði á allt góðgætið sem var í nestiskörfunni... mmm... hvað þetta var girnilegt... en hættur geta leynst víða þó það sé sólskin og blíða...

Kemur ekki allt í einu korn aðvífandi með fulla flösku af brennivíni og hellir vin okkar fullan.

Þetta var kornið sem fyllti mælinn.
.

 

.

Lokum fyrir rafmagnið

Þegar fólki er sagt upp störfum og ekki er óskað eftir starfskröftum þess á uppsagnartímanum þá kemur það venjulega ekki til vinnu eftir það.

Ég hef a.m.k. ekki heyrt eitt einasta dæmi um það að fólk mæti til vinnu eftir slíka uppsögn af því að það telur sig eiga eftir að ljúka sínu starfi.

En DO er ekkert venjulegur maður.

Það er með ólíkindum að hann vilji hreinlega láta sækja sig inn í bankann og bera út, eða er það ekki það sem hann er að biðja um?
Meirihluti íslensku þjóðarinnar vill ekki hafa þennan mann lengur í þessu starfi. Hann er lifandi mynd spillingarinnar sem við ætlum okkur að kveða niður.

Það er kannski eitt ráð í stöðunni. Skrúfa fyrir vatn og rafmagn til Seðlabankans og loka símalínum. Setja nýjan Seðlabankastjóra í starfið með aðsetur í Kolaportinu.

Það tæki svo Davíð einhverjar vikur að átta sig á því að hann væri ekki lengur Seðlabankastjóri. Þá kæmi hann út með nýtt ljóð í farteskinu, sem vonandi yrði aldrei birt.

En vonum að hann vitkist og sjái að sér og mæti ekki til vinnu í fyrramálið.
.

 

.

Davíð segir ekki af sér

Giggs innsiglar titilinn með hægri

Sætur sigur... og Giggs með hægri...

2ja stiga forysta og einn leikur til góða... var að skoða leikjaprógrammið fram á vor... það eru allir leikir léttir sem eftir eru nema ef vera skyldi við Hull úti í síðustu umferð..

Gott að vera búinn að tryggja sér titilinn strax í febrúar...

.

 

.

Man. Utd aftur á toppinn

Ljósár

Í fréttinni segir að...

...stjórnarsetan tryggi Jóni Ásgeiri um 20 þúsund punda laun á mánuði, jafnvirði  3,4 milljóna króna, auk afnota af fyrirtækisbíl og einkaþyrlu.

Datt í hug í þessu samhengi að Íslendingur sem hefur 2,4 milljónir í árstekur yrði 895.833.333.333 ár að greiða þær skuldir sem fjárglæfraútrásarvíkingarnir eru búnir að skella á íslensku þjóðina...

Ég held að þessi duglegi Íslendingur verði orðin svolítið framlágur þegar síðasti greiðsluseðillinn kemur inn um bréfalúguna.
.

 

.

  

Jón Ásgeir og Gunnar áfram í stjórnum