Orðatiltæki

Þættinum hefur borist bréf.

Hvað þýðir orðið orðatiltæki og hvaða tæki er það sem verið er að tala um?

Orðatiltæki er ansi hentug græja þegar fólk er að halda ræðu. Sama hvort er á aðalfundi Seðlabankans, í afmæli sægreifa, eða í brúðkaupi Bubba byggis.

Þú setur orðatiltækið á öxlina á þér og í miðri ræðu hvíslar þú; hvað á ég að segja núna?

Og orðatiltækið svarar að bragði; Margur verður af aurum api.

.

 

.

Ekki er blessað tækið gallalaust. Ef gestir koma í heimsókn og þú færð spurninguna; hvað segir þú gott? ...og maður svarar náttúrulega; allt fínt... þá á tækið það til að grípa fram í  og segja; Nei, hann segir ekki allt gott... hann er að drepast í öxlinni, er með hausverk og hefur ekki klippt neglurnar á tánum lengi, hvernig getur hann sagt allt gott?

Því er best að geyma orðatiltækið í orðatiltektaskápnum meðan gestir eru í heimsókn, því það er ekki hægt að slökkva á því.

.

 

Athugasemdir

[Edda Agnarsdóttir, 17.6.2008 kl. 11:26]

Æææææ það var nú verra, ætli ræðumennirnir niður á Austurvelli hafi verið með svona öxlinni áðan? Þeir voru svo óglaðir!

[Brattur, 17.6.2008 kl. 11:34]

... nei... held að þeim hafi einmitt vantað svona tæki til að poppa sig upp... voru þeir bara fúlir þarna... heyrði ekki baun....

[Hrönn Sigurðardóttir, 17.6.2008 kl. 11:41]

....Þá er það bara eitt!! Hvar er orðatiltektarskápurinn? 

[Brattur, 17.6.2008 kl. 11:45]

Oftast eru orðatiltektarskápar uppi á háalofti... en þar sem ekki er háaloft... þá er best að hafa þá í kjallara... en þar sem ekki er kjallari, þá er best að nota bílskúrinn... en þar sem ekki er bílskúr... þá er best að hafa hann í búrinu...

[Hrönn Sigurðardóttir, 17.6.2008 kl. 14:00]

heheh hef bæði háaloft og kjallara - engan bílskúr - enda enginn bíll...

[Brattur, 17.6.2008 kl. 15:30]

Hver þarf bíl sem hleypur endalaust eins og veðhlaupahestur? Ekki hefur verðhækkun á bensíni áhrifa á heimilisbókhaldið hjá þér Hrönn.