Hamingjusama hjartað

... um helgina var ég í pípulagningavinnu... sem tók meiri tíma en tilefni stóð til... en allt endaði þetta vel eins og í fallegu ævintýri...

... í dag fór ég hinsvegar og lét skoða pípurnar í sjálfum mér... á línuriti hafði nefnilega komið í ljós að það var eitthvert flökt á litlu pumpunni minni, sem stundum er kölluð hjarta... reyndar hef ég alltaf vitað að litla hjartað  er ekkert lítið... það  er bara nokkuð stór og hefur sinnt sínu hlutverki vel frá því ég kynntist því fyrst...

.

 

.

... jú línuritið var ekki í þessum hefðbundna takti sem flestir hafa... það komu svona nokkur hopp inn á milli og línuritið varð ekki reglulegt... mér fannst reyndar línuritið mitt bara flott... það var ekki eins fyrirsjáanlegt og þessi venjulegu...

.

.

... nema hvað... línuritaútskýringamaðurinn (hjartalæknirinn)... sagði mér að þetta væri allt í himnalagi með mig, því upptök aukaslaganna væri í sama hólfi og upptök aðalslaganna...

... já, það skýrir náttúrulega allt saman...

... hinsvegar kom svolítið annað í ljós... pípurnar (æðarnar) í mér reyndust 10 árum yngri en ég sjálfur...

jahá... hvernig í ósköpunum gat það hafa gerst?

... þegar ég er búinn að setja þessa færslu inn, ætla ég að hringja í mömmu og ræða þetta aðeins við hana... kannski var ég bara 7 ára þegar ég tók bílprófið???????????

 

Athugasemdir

[Hugarfluga, 28.1.2008 kl. 21:17]

Er ekki ástin bara að valda þessum aukaslögum?

[Halldór Egill Guðnason, 28.1.2008 kl. 23:00]

Er þetta ekki bara vegna hjartahlýjunnar, Brattur minn? Það hlýtur allt að vera unglegt og fallegt sem að þér snýr, að innan sem utan. 

Heldurðu kannski að þetta geti verið rauðvínið sem virkar svona vel? 

[Brattur, 28.1.2008 kl. 23:10]

.. já, Halldór... er ekki hjartað rautt vegna rauðvínsins, það hebbði ég haldið?...
...og þeir sem drekka hvítvín eru með glært hjarta... því ekki er hvítvín hvítt er það?

[Edda Agnarsdóttir, 29.1.2008 kl. 19:39]

Ég vildi börnin fæddust stærri, um fermingu það gæti látið nærri....

Þetta er þá til!

Gaman - til lukku!

[Guðný Anna Arnþórsdóttir, 29.1.2008 kl. 21:18]

 achso --- !

[Ragnheiður , 29.1.2008 kl. 21:32]

Dáldið misgamall...hm ..það er bara ágætt  held ég.