Hreinsun BB & Co.

Mér fannst einmitt Jóhanna brillera á blaðamannafundinum í dag og einnig í viðtalinu hjá Elínu Hirst á RUV.

Björn er greinilega bara tapsár og hendir ónýtum snjóboltum í Jóhönnu. En það dugar ekki til. Mér líst rosalega vel á þessa ríkisstjórn með Jóhönnu í broddi fylkingar.

Tilfinningin er eins og þegar það er nýbúið að skúra heima hjá mér og hreingerningarilmur út um allt.

Þessi ríkisstjórn á eftir að segja okkur sannleikann, það er annað en hægt var að segja um Sjálfsstæðisarminn í stjórninni sem nú er farin langt út í hafsaugað.

Hugsið ykkur að vera laus við BB - Geir H - Árna Matt. og Þorgerði Katrínu... þetta er fólk sem manni fannst alltaf vera að segja ósatt og tók ekki á þeim málum sem þurfti að taka á til að hjálpa almenningi í landinu... hugsaði bara um eigin flokk og eigin hagsmuni...

þvílíkur léttir... mikið held ég að ég sofi vel í nótt.
.

 

:

Birni þótti lítið leggjast fyrir Jóhönnu

Fróðleiksmolar um banana

Vissuð þið að þegar bananarnir koma til landsins þá eru þeir sofandi á sínu græna eyra?

Þeir eru sem sagt sofandi og eru eiturgrænir. Svoleiðis banana étur ekki nokkur einasti maður, hvað þá kona.

En svo þarf að vekja þá... þeir eru settir í klefa og þeir eru gasaðir... gas - gas - hrópar gasmaðurinn og skrúfar frá gaskrananum... bananarnir sniffa út í loftið og smám saman lifna þeir við... einn af öðrum... verða gulir í vöngum... góðan daginn Barði segir einn við þann sem næstur honum svaf... já, góðan daginn Kengbogi  segir þá Barði við Kengboga... hvert skyldum við vera komnir? Við vitum það ekki fyrr en hurðin opnast, kallar Sigurfúll úr næsta kassa gremjulega... rosaleg svitalykt er af þér Sólöf heldur hann áfram og beinir spjótum sínum að bognum banana sem liggur upp við hann... þú ert andfúll leiðindaskarfur, svarar Sólöf snöggt og vindur upp á sig...

Svona halda bananarnir áfram að tuða meðan þeir eru að komast til meðvitundar... Síðan er hver kassi tekinn og settur í bíla sem bíða þess að flytja þá í verslanir landsins...

Þið vissuð kannski ekki að hver banani heitir eitthvað eins og við mannfólkið... munið það næst þegar þið stingið einum uppí ykkur... kannski er það hann Sigurfúll fúli...
.

 

.

Reyna að hafa áhrif á dómarana

Það er gömul saga og ný að benda á dómarann að illa gengur á vellinum... Veit ekki alveg í hvers konar kasti Scolari og Benitez eru... ég held reyndar að Benitez sé ekki Benitez... ég held að þetta sé ennþá Houllier bara búinn að fara í smá lýtaaðgerð...

Þeir félagar eru bara að reyna að hafa áhrif á dómarana í þeirri veiku von að það hjálpi þeim að hala inn fleiri stig í baráttunni við United.

Ekki erum við Alex að væla mikið þó við fáum varla vítaspyrnu á heilli leiktíð... nei og nei... við viljum láta verkin tala... erum með eitt prúðasta og leiknasta lið deildarinnar meðan þeir sem eru að reyna að halda í við okkur, Liverpool og Chelsea eru með tréhesta innanaborðs hjá sér og grófa leikmenn á borð við Mikael Ballack og Sammy Hyppia... eða heitir hann Sammy Raikonen?... man það ekki...

Alex Ferguson er lang málefnalegasti stjórinn sem tjáir sig um fótboltann... það er unun að hlusta á hann þegar hann tekur til máls.
.

 

.

Tekur undir með Benitez

Hérinn og gæsin

Einhvernvegin minnir þessi Framsóknarfarsi mig á gamla sögu;

Einu sinni var bóndi sem átti héra og gæs... hérinn var slóttugur og vissi að bóndinn myndi annað hvort éta hann eða gæsina um jólin...

Hérinn gerði samkomulag við bóndann... hann lofaði að hjálpa honum að setja niður gulrætur og vera duglegur að smala fénu með honum... hérinn æfði sig dag og nótt að gelta eins og hundur til að geta sinnt hlutverki sínu í smalamennskunni... hann náði því svona næstum því, en var samt alltaf hálf skrækur, eins og hundur með hálsbólgu...

Gæsin var hinsvegar himinglöð á hverjum degi og vappaði um bæjarhlaðið og söng af hjartans lyst... Stundum settist bóndinn hjá henni og þau tóku lagið saman...
.

.

Svo leið sumarið og vetur gekk í garð... hérinn snérist eins og skopparakringla í kringum bóndann og reyndi að þóknast honum í öllu... sleikti gleraugun hans og þreif, setti nýja klósettrúllu á haldarann þegar sú gamla var búin og kveikti á hádegisfréttunum svo dæmi séu tekin...

Í desemberbyrjun fór bóndinn að raula jólalög... Ó, Helga nótt söng hann meðal annars... gæsinni þótti það lag undurfagurt og lærði það strax og gat tekið undir... þetta er nú meiri gæsin sem ég á, hugsaði bóndinn, syngur svo fallega og færir mér birtu og yl í sálartetrið...

Hérinn varð hálfsmeykur þegar hann sá hvað bóndinn var heillaður af gæsinni... hann reyndi að syngja líka, en þvílík hörmung, skrækur og falskur var hann svo bóndann verkjaði í eyrun og fékk hausverk...

Á Aðfangadag settist bóndinn við borð sitt, í matinn var svikinn héri...

Á eftir settist hann inn í stofu og gæsin með honum... þau sungu Ó, helga nótt...
Það hljómaði fegurra en nokkru sinni áður.
.

 

.

Ósætti um aðgerðirnar

Framsókn að klikka

Það er komin smá jákvæðni í almenning í landinu og von að kvikna í brjóstum um að nú fáum við betri og sanngjarnari ríkisstjórn sem muni stjórna landinu fram að kosningum.

Stjórn sem mun ekki byrja á að skera niður kjör sjúklinga og eldra fólks, heldur forgangsraða niðurskurðinum þannig að þeir sem minnimáttar eru verið ekki fyrstir.

Stjórn sem mun taka á vanda heimilanna að festu... gera róttæka hluti til að koma til móts við fólk sem skuldar mikið og er að missa heimili sín.

Eftir að hafa heyrt í Jóhönnu og Steingrími J. sýnist manni einnig að það eigi að tala við almenning í landinu og láta hann vita hvað er að gerast á stjórnarheimilinu á hverjum tíma.

Framsóknarmenn eru hikandi... áttu þeir ekki frumkvæðið að því að þessi minnihlutastjórn er nú í burðarliðnum? Ætluðu þeir ekki að styðja hana?

Eru peningamenn að þrýsta á hinn unga formann sem hingað til hefur staðið sig vel? Ef hann hleypur undan skaftinu núna á Framsókn sér aldrei viðreisnar von.

 

Ný ríkisstjórn eftir helgi

Svona gerðist þetta

Billy boy

Billy boy er bara léttur þó að húmi að í efnahagsmálum heimsins.
Það er um að gera að njóta þess sem maður hefur og brosa upp í vindinn... þá fær maður svo mikið súrefni inn í sig og hugsar skýrar... svo er bara miklu betra að vera lifandi en dauður... held ég...

VON

Ennþá á ég mér þá von
að kreppan okkur hlífi
Ég er eins og Bill Clinton
Finnst gott að vera á lífi

.

 

.

 

 

Clinton: „Það er gott að vera á lífi“

Þvílíkt rugl

Ja hérna... ekki er það nú merkilegur flokkur sem lætur hvalveiðimálið trufla sig í að bjarga landinu frá gjaldþroti...

Ég bara trúi því ekki að menn ætli að láta steyta á þessu máli... hreinlega trúi ekki svona vitleysu...

Menn sjá ekki trén fyrir skóginum.

.

 

.

Hvalurinn setur hnút í Frjálsynda

Hljóp á eiginmann

... fín staða í hálfleik gegn WBA... þegar Tevez skoraði síðara mark fyrri hálfleiks, hljóp markvörðurinn á "eiginmann" eins og Höddi orðaði það í lýsingunni... sem var að þvælast fyrir honum...

Ég held það sé ekki sterkt hjá WBA að vera með eiginmann í vörninni...
.

 

.

 

Man Utd burstaði WBA, 5:0, og setti met - Heiðar skoraði tvö fyrir QPR

Ég á mér draum

Mig dreymdi í nótt að Ólafur forseti boðaði mig á fund að Bessastöðum... hann lét DHL bíl ná í mig... ég var að klæða mig eftir sturtu og rétt náði að fara í appelsínugula bolinn minn... byltingarbolinn..

Við áttum ánægjulegan fund, ég og forsetinn... Dorrit kom með pönnsur og bláberjasultu og sprauturjóma... ég spurði Dorrit hvort hún ætti ekki heitt súkkulaði líka... mig hefur nefnilega alltaf langað til að drekka heitt súkkulaði á Bessastöðum... Dorrit trítlaði fram í eldhús og kom með súkkulaðið að vörmu spori...

En Óli var ekkert að tvínóna við hlutina frekar en í fyrradag og sagði;

Brattur, þú ert eina von þjóðarinnar... sómi þess bogi og ör...

Ég vil að þú verðir forstætisráðherra á morgun... og bjargir okkur út úr þeim ógöngum sem við erum í...

Ég er búinn að tala við Geir Haarde, Ingibjörgu og Alex Ferguson... þau eru sammála...

Brattur kýldu á þetta, farðu út og bjargaðu þjóðinni...

Næst þegar ég vissi af mér í draumnum var ég staddur í miklum hátíðarhöldum þar sem verið var að hylla mig fyrir að hafa komið íslensku þjóðinni úr öldudalnum og inn í góðærið hið nýja.
.

.

 

Ekki verið samið um neitt