Skellur

  • ... einu sinni var maður sem hét Skellur. Hann var innheimtustjóri... Skellur hafði aldrei ætlað sér það að verða innheimtustjóri... hann hafði alltaf langað til að verða trésmiður síðan hann las söguna um Gosa...
    .

 SigfusSig_Gosi_pabbi532

.

Að smíða fallegar brúður sem lifnuðu við, það var það sem hann vildi gera í lífinu... en hann var mesti klaufi og féll í smíðum í skóla þegar hann var að reyna að gera bókahillu, eða Hansahillur eins og það var kallað í þá daga...

Hansahillan hans Skells var nokkuð breið um haustið þegar skólinn byrjaði. Allan veturinn reyndi hann að hefla hilluna beina og hornrétta, en það tókst ekki. Þegar upp var staðið um vorið og komið var að skólasýningu á verkum nemendanna, þá sýndi Skellur ekki Hansahillu, nei hann sýndi ör...
.

 17245_1

.

Já, líklega eru nú lesendur farnir að snökta yfir þessum sorglegu örlögum Skells og finna til samkenndar með honum. Því hver kannast ekki við það að hafa orðið allt annað en hann ætlaði sér?

Það var svo augljóst mál frá því að drengurinn var skírður að hann yrði aldrei kallaður annað en HurðaSkellur... en foreldrum hans fannst það bara fyndið, því drengurinn var eins og lítill jólasveinn í framan þegar hann fæddist...
.

 SantaBaby

.

Um það leytið sem Skellur varð innheimtustjóri fæddist honum sonur... hann hugsaði málið vel og vandlega og ræddi það fram og til baka við konuna sína hana Bráð, að þetta barn ætti að heita fallegu nafni, einhverju nafni sem ekki væri hægt að uppnefna... einhverju nafni sem tengdist trésmíði..

Hvað á barnið að heita, spurði presturinn... Nagli sagði Skellur stoltur...

Hér endar eiginlega sagan af honum Skell... en eins og þið sjáið er mjög erfitt að uppnefna Nagla og nafnið venst bara nokkuð vel...

En þó má geta þess að strákurinn átti erfitt í boltaíþróttum þar sem allir vildu hitta Naglann á höfuðið.
.

ring_shank_nail_m

.

 

 


Greipar

Einu sinni var maður sem hét Greipar.

Það var sama hvar hann var að vinna, hann var alltaf látinn sópa. Hvort sem hann reyndir fyrir sér sem lögfræðingur, strætisvagnabílstjóri eða bókasafnsfræðingur.

Látum Greipar sópa var alltaf sagt.

Þar til hann gerðist kafari, þá loksins slapp hann við sópinn.
.

Street_Sweeper_Turkey_69

.

 


Titillinn í höfn!

Þessi sigur var sætur og mikilvægur... nú er ég 1000% viss um að United verður meistari í vor.

Tevez er æðislegur.

GLEÐILEG UNITED JÓL!
.

 tevez0812MSBPI_468x679

.

 

 


mbl.is Tévez tryggði Man.Utd sigur á Stoke - Chelsea á toppinn
Tilkynna um óviðeigandi tengingu við frétt

Hugheilar jólakveðjur

Hó, hó, hó
Fékkst þú í skó?
Það var ég sem hló;
Þegar Grýla dó. 

Ég er Giljagaur
Kláðamaur
Á sjaldan aur
Brattur staur

Nú er ég vær
Ekki lengur ær
Baðið búið hreinar tær
Til ykkar bæði nær og fjær

Óskir frómar og hugheilar... úr hendi sendi...
.

 Giljagaur

.

 


Nóttin og ég

Sú nótt
Svo stjörnubjört var
Ég hvíslaði
til hennar
og fékk lítið svar.

Ég geymdi svarið
og nóttin var mín
Bjartar stjörnurnar
leiddu mig
beint heim til þín.

Alla nóttina
sátum við undir
himni sem okkar var
Ég færði þér næturinnar
litla fallega svar.
.

stars_background_hg_blk 

.

 


Bestir í heiminum!

Jæja, þá erum "við" orðnir HEIMSMEISTARAR. Svo erum við náttúrulega Englandsmeistarar og Evrópumeistarar...

Þarf nokkur að efast lengur um það hvert er besta liðið í heiminum????

Eina sem United vantar ennþá er að verða Íslandsmeistarar!

.

 _45317587_rooney4_getty226x282

.


mbl.is Rooney tryggði Manchester United heimsmeistaratitilinn
Tilkynna um óviðeigandi tengingu við frétt

Spegillinn

  • ... lengi eftir að hún var farinn sat hann við gluggann og horfði út götuna... hann vonaði að hún kæmi aftur, en vissi að það myndi ekki gerast...

... svo náði hann í Whiskey flösku inn í skáp, setti klaka í glas og hellti fullt...

... það fór skjálfti um hann þegar hann fann vínið renna niður... helvíti var það gott... helvíti leið honum illa...

Hann gekk fram á baðherbergi og leit í spegil, órakað var andlit hans að venju... Hann horfðist í augu við sjálfan sig og sagði upphátt... hvað ætlar þú nú að gera gamli gaur?

Hvað ætla ég að gera? Huh... það er nú frekar ég sem á að spyrja svona heldur en þú, róninn þinn... hvæsti spegillinn á hann... mikið rosalega ertu eitthvað krumpaður í framan og með bauga... mér líst ekkert á þig...

Hann hrökk við, leit ofan í glasið, það var tómt... hann hellti meira úr flöskunni... og drakk...
.

 whiskey_2

.

Þú kannt þá að tala spegill, ekkert venjulegur spegill ha? Þú lítur nú bara ekkert vel út sjálfur, ert hálf sjúskaður ræfillinn.
Svo hættu að henda grjóti úr glerhúsi, því ef ég hendi til baka þá ertu búinn að vera,spegiltuska.

Heyrðu leyfðu mér að þurrka þér í framan
... hann skvetti Whiskey lögg á spegilinn og þvoði hann með þvottapoka... svona, nú lítur þú mun betur út... fór nokkuð í augun?

Heldur þú að þú hafir gott af því að drekka núna?  spurði spegillinn...

Hvað á ég annað að gera, ég er fúll, ég er einmana... hvað er betra en að drekka þá?
.

 _44706441_drink_226_corbis

.

Hugsaðu um morgundaginn, sagði spegillinn... langar þig að vakna grúttimbraður á morgun og vera að drepast allan daginn? Farðu frekar upp í rúm núna með góða bók, vaknaðu hress í fyrramálið og farðu í góðan göngutúr... vorið er í nánd... finndu ilminn af því, hlustaðu á söng farfuglanna... þá kemst þú að því að það er svo margt gott í lífinu... byggðu þig upp og hættu að væla...

Hann horfði á spegilinn dágóða stund; sagði svo... þú ert bara næstum því orðinn sætur eftir andlitsþvottinn... ég ætla bara að kyssa þig góða nótt... svo smellti hann kossi á spegilinn og fór inn í rúm.
.

 Framed_Mirror

.

Daginn eftir mundi hann ekki hvort þetta hafði gerst í raunveruleikanum eða hvort þetta var draumur.

Hann opnaði dyrnar út á verönd og fann hvernig hlý vorgolan læddist yfir axlir hans og streymdi inn í húsið.

Frá baðherberginu heyrði hann einhvern tauta; svona út með þig druslan þín...

 


Fyrsta spurningin

Einu sinni var ekki búið að finna spurninguna upp.

Gíraffarnir og öll hin dýrin þurftu aldrei að spyrja um eitt eða neitt... forfeður okkar Apamennirnir þurftu heldur ekki að spyrja neins... allt var svo eðlilegt í heiminum og allt svo augljóst og skýrt... engin þurfti að spyrja spurningar, fyrr en einn daginn...
.

 bonsai%20tree_44e6ce98049b2

.

... þann sólríka dag sátu tveir loðnir Apamenn á trjábol sem lá á jörðinni... þeir voru nýbúnir að éta sextán banana hvor og voru alveg pakksaddir... þeir sátu hálfdasaðir af áti á trénu og vissu ekkert hvað þeir áttu að gera af sér...

Þeir klóruðu sér í hausnum og ráku puttana í nefið og eyrun á sér... nudduðu fótunum í jörðina og hugsuðu lítið... annar þeirra tekur þá upp lurk sem þarna lá og byrjar að berja honum í jörðina... fyrst laust og síðan fastar og fastar... það komu skemmtileg hljóð út úr þessu og honum var skemmt... hann gleymir sér í trylltum trommuslætti.... allt í einu lemur hann alveg óvart í fótinn á hinum Apamanninum...

... sá rekur upp skaðræðisóp og hoppar og skoppar út um allt... svo þegar sársaukinn minnkar, gengur hann að félaga sínum og segir, bæði svekktur og reiður...

Hurga urga burga?

Sem þýðir á íslensku; ertu ruglaður maður eða hvað?
.

 apeman

.
Þetta er talin vera fyrsta spurningin sem spurð var á þessari jörðu.  Bara ef þið vissuð það ekki.

 


Dýrin sýna helgileik

... þau settu upp sýningu í dag... Depill og Femína...

... helgileikurinn Jesús og María...

.

 JesúsogMaría

.

Hef sjaldan séð betri útfærslu.


Froskurinn

... einu sinni var froskur í tjörn... hann var bara svona að dúlla sér einn daginn, hafði ekkert sérstakt að gera... hoppaði á milli laufblaðanna og sagði kvak kvak...

... sér hann þá ekki allt í einu að prinsessa kemur gangandi í átt að tjörninni... hann fékk sting í litla froskahjartað sitt... mikið rosalega var hún falleg... hann lagðist á laufblað og horfði á hana í dáleiðslu...

Prinsessan stóð við bakka tjarnarinnar, hún tók ekki eftir frosknum... hún beygði sig niður og fyllti hendur sínar af vatni og baðaði andlitið...

... froskurinn hugsaði; kannski er ég prins í álögum?... ég verð að fá að kyssa hana... en hvernig á ég að gera mér vonir um að hún vilji kyssa grænan slímugan frosk?

Hann hoppaði nær henni og sagði eitt litið kvak... Prinsessan fagra leit upp og sá hann... nei, sæll fallegi froskur sagði hún... froskurinn fann hvernig fiðrildin flögruðu um maga hans; hún sagði að ég væri fallegur... komdu til mín og leyfðu mig að sjá þig betur... froskurinn fór alveg til hennar... Prinsessan beygði sig niður til að kyssa hann... froskurinn setti stút á munninn og ranghvolfdi í sér augunum...
.

 frog-prince

.

Við kossinn varð mikil sprenging... froskurinn fann hvernig hann stækkaði og stækkaði... já, ég er prins í álögum kallaði hann... Prinsessan rak upp skaðræðisóp og hljóp í burtu. Hvað er að, hugsaði froskurinn. Ég hélt hún myndi elska mig að eilífu þegar ég væri laus úr álögunum.

Hann snéri sér við, leit í spegilmynd sína í vatninu... hann hrökk við og öskraði líka... hann var orðinn Valgerður Sverrisdóttir.
.

1467625_10-valgerdur

.


« Fyrri síða | Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband