Á Ö flokkurinn að skila styrknum?

Nú er Sjálfstæðisflokkurinn orðinn hræddur við mig... það hlaut að koma að því...

Eins og Þorgerður Katrín segir "Það hefur verið á Brattann að sækja fyrir Sjálfstæðisflokkinn".

Mér sýnist ÖND-VEGIS-FLOKKURINN vera að höggva verulega í fylgi Sjálfstæðisflokksins.

Þó að Ö flokkurinn hafi ekki komið neitt sérstaklega vel út úr síðustu skoðanakönnun Capacent þá finnum við mikinn meðbyr. Einn helsti styrkur Ö flokksins er að hann hefur ekki þegið neinn styrk... eða næstum því engan styrk.

ÖND-VEGIS-FLOKKURINN verður með opið hús á föstudaginn langa kl. 7:00 um morguninn... farið verður yfir bókhald flokksins og tekin ákvörðun um hvort skila eigi rifsberjasultukrukkunni sem Manga Magnúsar gaf flokknum í haust... en það er reyndar bara helmingurinn eftir í krukkunni...


Félagar munið.......        Ö er ekkert BÖ !
.

.

„Hvítþvegin bleyjubörn“

Ö er ekkert BÖ !

Í öllu umrótinu sem nú er í pólitíkinni finnst mér rétta stundin til að minna á ÖND-VEGIS-FLOKKINN... óspilltasta flokk landsins...

Kynnið ykkur málefni flokksins HÉR og veitið okkur stuðning,

Ö er ekkert BÖ ! 

 Hér er svo baráttusöngurinn okkar:

 

Brattsjónallinn.

Fram ööööðlingar í ótal lööööööndum

sem ástundiðá kvöldin karate

nú Brattur safnar saman bröööööndum

boðar kaffi og jurtate

Dabbahyski við hendum í sjóinn

hrööööökvum aldrei í kút

við áttum lóur en hann át þær kjóinn

einsog að þamba ööööööl af stút.

 

Þó að mööööörgæsin sé mööööögur

við möööööölvum Geirinn í dag

því Brattsýnin er fööööögur

og fóðurblanda allra í Haag.

 

HÖf.: Guðni Már
.

.

Guðlaugur og Guð-laugur

Vó... hélt að þetta væri frétt um Guð-laug Þór sem var að skora ljótasta sjálfsmark allra tíma...

Ég óska hinsvega Guðlaugi Arnarsyni til hamingju með markið sitt í gærkvöldi.

Ætla að halda upp á mörk þessara manna í dag með ís og alles...

.

 

.

Guðlaugur skoraði og FCK á toppinn

Ekki kjósa spillinguna

Nú bíður maður bara eftir fleiri sprengjum.

Það mætti segja mér að nú færi allt á fullt hjá Sjöllunum að reyna að finna veikan blett á öðrum flokkum hvað varðar fjárframlög til þeirra.

Það er venja Sjálfstæðismanna að þegar á þá er ráðist, þá er gerð gagnárás til að dreifa athyglinni.

Mest hafði ég gaman af því að sjá að það var BAUGUR /FL Group/Jón Ásgeir sem styrkti Sjálfstæðisflokkinn svona myndarlega.

Það er stutt í kosningar... kosningabaráttan á eftir að einkennast af uppljóstrunum á báða bóga, hugsanlega afsögnum og öðru í þeim dúr. Það mun lítið fara fyrir málefnalegri umræðu.

Við kjósendur viljum spillinguna burt, þess vegna er það krafa að bókhald flokkanna verði opnað og við fáum að sjá alla styrki til flokkana a.m.k. 10 ár aftur í tímann.

Þá fyrst getum við kosið spillinguna burt.
.

 

.

 

 

Guðlaugur Þór hafði forgöngu um styrkina

Þetta var enginn vandi.

Þetta var náttúrulega bara dásamlegt...

Var að lesa um þennan Macheda á Teamtalk í vikunni þar sem hann skoraði 3 mörk með varaliðinu.

Þegar Ronaldo jafnaði þá sagði ég við konuna mína... það væri flott ef þessi Macheda skoraði sigurmarkið... við vorum alveg sallaróleg í sófanum, viss um sigur okkar manna.

Æðislegt að vinna Aston Villa með hálfgert varalið... nú er þetta komið... titillinn er okkar!

Enn einu sinni sýnir Sir Alex af hverju hann er langbestur.
.

Táningur tryggði Man.Utd dýrmætan sigur

Knattspyrnusérfræðingur?

Liverpool klíkan er alls staðar... Mark Lawrenson Liverpúllari er að reyna að búa eitthvað til um Rooney og Sir Alex sem ekki er fótur fyrir... það kemur svo sem ekkert á óvart að svona "feilskot" komi úr þessari átt...

Skrítið að svona maður skuli vera "knattspyrnusérfræðingur" hjá BBC... þeir sem kenna sig við hlutleysi... Mark Lawrenson skorar þarna sjálfs Mark... af hallærislegu gerðinni...

.

 

.

 Annars heyrði ég í Sir Alex í morgun og var hann í góðu formi. Var búinn að fá sér ristað brauð og te og var að hlusta á píanókonsert nr. 3 eftir Rachmaninoff.

 

Ferguson hafnar rifrildi við Rooney

Augnablik

Ég gerði stóra uppgötvun í dag... augað er fljótara að hugsa heldur en heilinn...

Hvernig komst ég að þessu? Jú það var þannig;

Eitt kvöldið í vikunni var ég að mála loft með gráum lit.

Ég var lítið að hugsa um ástandið í landinu, en einbeitti mér að því vinna mína vinnu vel.

Allt í einu dettur stór grár málningardropi úr rúllunni og stefnir beint á augað... ég fraus og náði ekki að hugsa nógu fljótt... en viti menn augað lokaði sér sjálft rétt áður en dropinn skall á því... án þess að ég gæfi auganu skipun um að lokast...

Nú vona ég að þessi lífreynslusaga mín eigi eftir að nýtast læknavísindunum vel um ókomna framtíð... þá veit ég að ég hef ekki lifað til einskis...
.

.

 

Af hverju er fingurinn flatur?

Ég skil alveg hvað Sir Alex er að fara, enda hugsum við mjög svipað félagarnir.

Það getur verið mjög óþægilegt að láta hæla sér, jafnvel hættulegt.

Einu sinni var ég að negla nagla í spýtu.

Gengur þá ekki fram hjá mér meðhjálpari á leið sinni til rakarans og segir; mikið rosalega neglir þú fallega og kröftuglega Brattur.

Ég næstum því umturnaðist af mikilmennsku, hóf hamarinn hátt á loft og sló fastar en áður...  en hitti ekki naglann á höfuðið...

Þess vegna er þumalfingurinn á mér flatur.
.

 

.

Ferguson: Fréttamenn of jákvæðir