Ég á mér draum

Einmitt þegar manni finnst dagurinn aldrei ætla að taka enda er í morgun orðið í gær.

Svo mælti hann Earl Wilson blaðamaður. Las þetta í spakmælabók.

Mig dreymir um það að einhver spekin sem ég hef sagt eða á eftir að segja verði sett í svona tilvitnanabók.
Þá held ég að ég hverfi sæll og glaður yfir móðuna miklu þegar þar að kemur.

Hvernig er t.d. þetta.

Þegar haninn hættir að gala á morgnana sofa hænurnar út.

.

 

.

 

 

Athugasemdir

[Halldór Egill Guðnason, 9.8.2008 kl. 23:38]

"Meðan haninn er étinn, hlægja hænurnar"..... Heldurðu að þetta komist ekki frekar í einhverja bókina........nei bara segi svona. Þú átt örugglega eftir að rata með snilldarsetningu í einhverja spakmælabókina Brattur minn. Mér dettur til að mynda í hug ein setning frá því í fyrra.: "Í borunni var miði með númerinu átta"..... (Sjá færslu frá fyrra ári hjá Bratti) Annars finnst mér flestar þínar færslur efni í bók og jafnvel tvær, ef því væri að skipta. 

Eða var það kúla?

[Anna Einarsdóttir, 10.8.2008 kl. 00:10]

Þetta er einfaldlega albesta spakmæli sem ég hef heyrt. 

[Marta Gunnarsdóttir, 10.8.2008 kl. 00:24]

Spakmælabókin er langt komin ef þú bara tínir til þau helstu sem hafa birtst hér á blogginu og ef fleiri höfðingjar fá að vera með er hægt að hafa sérstakan HANA kafla. Og hana nú.

Þið eruð GÓÐIR.

[Einar Indriðason, 10.8.2008 kl. 09:13]

Alls ekki gleyma að vitna í hina ódauðlegu setningu:  "Meðan laufin sofa, liggja spaðarnir andvaka"

[Brattur, 10.8.2008 kl. 13:09]

... það eru örugglega mörg fín spakmælin í bloggheimum ef vel er að gáð... Einar... þessi sem þú ert með er mögnuð...

[Anna Einarsdóttir, 10.8.2008 kl. 13:57]

  Þennan ætla ég að nota í bridge !