Innhverf íhugun

... í kvöld er hausinn á mér tómur... maginn er fullur og sjálfur er ég blá edrú... ég ætlaði að blogga eitthvað sem ég var að hugsa um í nótt þegar ég vaknaði klukkan hálf þrjú... það var svo ofboðslega fyndið í nótt að ég hristist allur úr hlátri og hélt honum niðri í mér til að vekja ekki heimilisfólkið...

... en svo í morgun mundi ég ekkert hvað ég var að hugsa í nótt og af hverju ég hló svona mikið...

... ég fór því í innhverfa íhugun a la Brattur... og hvernig gengur hún fyrir sig, kunna einhverjir að spyrja...

.

 

.

jú, sko, ég fer fyrst úr inniskónum og er bara á táslunum... sest upp í rúm og stari á tærnar... virkilega fast... eftir nokkur augnablik... þá hætti ég að sjá á mér tærnar... sálin á mér skrúfast inn í hausinn og líður ljúflega um heilann... leitar að hugmyndum, leitar að því sem ég hef gleymt... í öll skúmaskot sem fyrirfinnast í þessum skrítna haus... svo kemur hún aftur út og gefur mér skýrslu...

... réttir mér yfirleitt blað þar sem á stendur það merkilegasta sem hún fann á rúntinum um heilann...

... í morgun fékk ég hinsvegar autt blað frá sálinni... hún hafði ekki fundið neitt... ekki baun, ekki örðu ekki heystakk í títuprjóni...

... heilinn á mér er semsagt tómur... ég er ekki að grínast, sko...

... bara í fullum trúnaði að lokum... ég veit ekkert í minn haus...

... ég finn ekki einu sinni inniskóna mína...

.

 

.

 

Athugasemdir

[Guðni Már Henningsson, 17.7.2008 kl. 00:14]

Nú braus ég í báðar áttir...

[Halldór Egill Guðnason, 17.7.2008 kl. 02:38]

Þetta er "ranghverf" íhugun. Ekki spurning.! 

Vinsamlegast athugið að Tuðarinn er varinn einkaleyfisrétti á notkun þessa orðskrípis á alla kanta.

[Marta Gunnarsdóttir, 17.7.2008 kl. 19:10]

Ég væri ánægð með að finna inniskóna mína. Löngu hætt að leita að einhverju glundri í hausnum á mér. Ráðlegg þér að einbeita þér að skónum og sleppa hinu. En þetta Braus hjá Guðna Má minnti mig á það þegar við pældum í íslenskri málfræði hér um árið og beigðum nöfnin okkar. Minnir að útkoman hafi verið svona; Mái, Maus, Musum, Mosið. og Marta, Murt, Murtum, Mortið og Stebbi kom út sem Stebbi, Stubb, Stubbum, Stobbið.  Sko .... það er svona speki sem ég finn þegar ég kafa í þær gráu og get enn hlegið.

[Guðni Már Henningsson, 17.7.2008 kl. 23:47]

Smá leiðrétting til Mörtu; Það var Guðni Gvaðn Guðnum Gvoðnið og Marta Mart Murtum Mortið og Stebbi Stabb Stubbum Stobbið og svo gengum við til kauks!!! Og ekki frítt við að við höfum legið á þessu einsog gormur á ull!!!!! Og spiluðum tónlist ýmist í múr eða doll og nú verður ekki rifjað meira upp.....

[Guðni Már Henningsson, 17.7.2008 kl. 23:48]

ps ef þið vitið ekki hvað er að ganga til kauks þá??????????????

[Marta Gunnarsdóttir, 18.7.2008 kl. 07:05]

Leiðslurnar eru farnar að gefa sig hjá mér