Verð að slá Önnu

Lenti í ýmsu undarlegu um helgina í garðvinnunni...

... við Anna vorum að mæla með málbandi... svona málbandi sem skýst inn í sig þegar maður sleppir... stórhættulegt verkfæri... nú, nú þegar við vorum búin að mæla hvað mölin átti að vera breið... þá sleppi ég endanum eins og kjáni, málbandið þeyttist með svaka afli inn í sjálft sig og gataði lófann á þessari elsku.

Nú, er hún slösuð, blessunin svo ég get ekki mælt með Önnu lengur.

Svo bar Anna 100 kíló af þörungaáburði á moldina áður en þökurnar voru lagðar... eitthvað fauk á húðina á henni af áburðinum svo líklega fer að vaxa gras á henni.

Nú dugar ekki lengur að slá bara lóðina í kringum húsið.

Nú verð ég að slá Önnu líka.

.

 

.

 

 

Athugasemdir

[Gunnar Helgi Eysteinsson, 8.7.2008 kl. 00:00]

[Edda Agnarsdóttir, 8.7.2008 kl. 09:38]

Þú verður að senda hana í súkkulaðivax! hehe

[Gulli litli, 8.7.2008 kl. 14:51]

Ég mæli með að þú sert hér eftir Önnum hlaðinn...

[Ragnheiður , 8.7.2008 kl. 19:48]

Meðferð er þetta á henni Önnu minni, láttu heilann í henni samt alveg kyrran, við munum aldrei hvor er með hvaða helming !

[Brattur, 8.7.2008 kl. 23:10]

sko, til að fyrirbyggja allan misskilning, þá hlúi ég að henni Önnu eins og maður hlúir og ræktar garðinn sinn, maður vökvar plönturnar svo þær dafni, og svo þarf að slá grasið... ekki viljum við að garðurinn okkar fari í órækt...

[Brjánn Guðjónsson, 8.7.2008 kl. 23:23]

[Einar Indriðason, 9.7.2008 kl. 01:14]

Ég má víst ekki segja.... "og svo þarf að raka Önnu líka" ?

[Anna Einarsdóttir, 9.7.2008 kl. 08:23]

Og þegar það er búið að slá mig....... og raka mig.... hvað á þá að gera ?

rúlla, binda eða setja í blásara  ?   

[Einar Indriðason, 9.7.2008 kl. 09:03]

Snúa, heyja, raka..... Óh... ekki akurinn sem er kallaður "Anna", heldur Anna sjálf.  Úbs!

[Júdas, 9.7.2008 kl. 23:25]

, góður þessi!