Bara eitt hjól

... ylhýra málið okkar er fallegt og yfirleitt er ég mjög ánægður með það... þó er eitt og eitt sem pirrar mig... ég er hinsvegar lítið fyrir að vera pirraður, svona yfir höfuð... það er svo orkufrekt og maður frekar leiðinlegur með því...

... en aftur að íslenskunni... hverjum datt í hug að orðið hjólbörur væri ekki til í eintölu, ha? Ég vil breyta þessu og taka upp orðið hjólbara...

Þið sjáið það að á þessu þarfa tæki er bara eitt hjól, og því ekkert nema eðlilegt að segja hjólbara...

Eruð þið, kæru bloggvinir, ekki til í að ganga í lið með mér og berja þetta fallega orð inn í íslenskuna?

HJÓLBARAN lifi!

.

.

 

Athugasemdir

[Halldór Egill Guðnason, 29.4.2008 kl. 09:11]

Mæltu manna heilastur! Að sjálfsögðu er þetta bara bara, en ekki börur. Styð þig heils hugar í þessu máli.

[Hrönn Sigurðardóttir, 29.4.2008 kl. 11:52]

Styð þig! Alla leið inn í orðabók ;)

[Steingrímur Helgason, 29.4.2008 kl. 19:35]

Liggur í augum úti, þrælbeinlínis.

[Edda (IP-tala skráð) 29.4.2008 kl. 22:02]

He, he,  .... nokkuð góður    .... en mér datt í hug hvort þú gætir liðkað jafn vel til fyrir orðinu buxur??   

[Tófulöpp, 2.5.2008 kl. 13:18]

Eitt skæri, ein buxa! Þetta er alveg upprakið!