Stólar

Hafið þið tekið eftir því að það eru stólar, eða sæti út um allt... í leikhúsum, í bíóum, á fótboltavöllum, já bókstaflega út um allt...  í öllum stærðum og gerðum...

.

 

.

 .. mikið ofboðslega notum við fæturna lítið... yfir nóttina liggjum við endilöng og göngum yfirleitt ekki mikið, nema þá þeir sem ganga í svefni... svo vöknum við og gerum morgunverkin... sturtum okkur og tannburstum... svo fáum við okkur morgunverð... og þá setjum við á stól á meðan við snæðum... síðan trítlum við út í bíl og hvað, jú við setjumst aftur þegar inn í bílinn er komið... veit ekki um bíla þar sem maður getur staðið við keyrsluna...

.

 

. 

...svo keyrum við sitjandi í vinnuna, hoppum út úr bílnum og inn og setjumst... síðan þegar haldið er heim seinnipartinn er sest upp í bílinn... og heim að borða kvöldmatinn og þá setjumst við til borðs... eftir uppvaskið... er síðan sest í sófann og horft á sjónvarpið fram eftir kvöldi eða vafrað um í netheimum...

... svo er stólinn náttúrulega stöðutákn; forstjórastóllinn, bankastjórastóllinn... hallærislegt, finnst ykkur það ekki?

.

 

.

... las grein um fyrir nokkru um það hvernig manneskjan á eftir að þróast líkamlega... kom ekki á óvart að það er sá líkamshluti sem við notum einna mest, sitjandinn, sem á eftir að stækka mest á framtíðarmanneskjunni...

 

Athugasemdir

[Gunnar Helgi Eysteinsson, 3.3.2008 kl. 08:35]

Ég fór aðeins inn í framtíðina og sá að fólk sat samt á stólum... sjáðu bara.

[Halldór Egill Guðnason, 3.3.2008 kl. 08:50]

Þetta er ekki fögur framtíðarsýn Brattur minn. Spurning hvort hægt sé að þjálfa sitjandann eitthvað frekar, en til þess eins að sitja á honum og ....þú veist. Vona bara að aldrei verði hægt að borða með honum.....

[Sigríður Hafsteinsdóttir, 4.3.2008 kl. 11:56]

Ojojoj, Gunnar! Þetta var ekki falleg framtíðarsýn! Hahahahaha.....