Ævintýri

... einu sinni var lítill kall sem bjó í pínulitlu rauðu húsi inni í skógi... við hliðina á húsinu hans var tjörn... litla kallinn langaði mikið í gullfiska í tjörnina sína... hann lagði því af stað með nokkrar kexkökur og ávaxtasafa í malnum sínum... hann gekk lengi lengi þar til hann kom að fallegri lind... hann spurði lindina; átt þú nokkuð fallega gullfiska til að gefa mér... en af því að hann vissi að lindir tala ekki hátt, þá lagðist hann á bakkann og setti litla eyrað sitt að vatninu... þá heyrði hann tæru lindina tala; nei, kæri vinur, ég á ekki gullfiska handa þér, farðu þarna upp í hlíðina og talaðu við lækinn sem rennur þar, stundum á hann fiska... litli kallinn þakkaði lindinni fyrir svarið og hélt trítlandi af stað til lækjarins...

... þetta var byrjunin á ævintýrinu "Litli karlinn, tjörnin hans og leitin að gullfiskunum"... kannski kemur framhald, kannski ekki... ég er kominn í smá, já bara smá, kannski viku... bloggfrí, verð á svo miklum þeytingi næstu dagana að ég kemst lítið í bloggið... ef ég kemst þá skoða ég ykkur kæru bloggvinir og hendi inn misgáfulegum athugasemdum...

Athugasemdir

[Marta B Helgadóttir, 11.9.2007 kl. 08:31]

Bíð spennt eftir framhaldinu sem vonandi kemur

Hafðu það sem best á þeytingnum.  

[Halldór Egill Guðnason, 11.9.2007 kl. 09:11]

Farðu varlega á þeytingnum Brattur og hafðu það sem allra best. Er sjálfur að detta út úr öllu sambandi við umheiminn( Ekki af völdum neins sjúkdóms þó)

[Anna Einarsdóttir, 11.9.2007 kl. 09:44]

Það er ekki hægt að enda inni í miðri sögu Brattur..... alltaf að klára.  Annars vitum við aldrei hvernig hún endar. 

Mér finnst algjört lágmark að ná eins og tveimur ýsum í tjörnina, ef gullfiskarnir finnast ekki. 

[Vilborg Traustadóttir, 11.9.2007 kl. 12:14]

La la la la la ævintýri enn gerast!  Gangi þér vel á "þeytingnum".

[Ingibjörg Friðriksdóttir, 11.9.2007 kl. 17:29]

Anna er svo bráðlynd, að hún á erfitt með framhaldssögur. Hún vill þær stuttar og snarpar og skrifaðar í hinum mesta flýti, en Anna, asi gerir engan flýti og góðir hlutir gerast hægt. Skil aldrei afhverju „Hægt og hljótt„ varð í 16. sæti. Búðu þig undir það að gullfiskarnir finnist ekki fyrr en í 3. bindi.

Brattur, ég eins og fleiri mun sakna þín og tárin munu hrynja sem foss.

[Anna Einarsdóttir, 11.9.2007 kl. 17:56]

Ekki fyrr en í þriðja bindi ?  Þá sleppi ég öðrum kafla.   

[Ingibjörg Friðriksdóttir, 11.9.2007 kl. 19:30]

Það er nú allt í lagi Anna mín, því ég held að kaflinn sé svo stuttur en blaðsíðurnar í öðru bindi eru 279, ehaggi Brattur?

[Edda Agnarsdóttir, 11.9.2007 kl. 20:01]

Það búa litir dvergar í fjallasal ... Bibbidi babbidi bú og vertu búin fyrir klukkan þrjú.

[Marta B Helgadóttir, 12.9.2007 kl. 20:05]

Hvert ferðu Halldór? ... úr sambandi við umheiminn ... hvert getur maður farið til þess plíís   

[Vilborg Traustadóttir, 12.9.2007 kl. 21:34]

 Marta...ég veit ekki með Halldór en ég flutti til Djúpuvíkur....

[Guðný Anna Arnþórsdóttir, 12.9.2007 kl. 22:55]

Ég er í hópi þeirra sem bíða eftir framhaldinu. Ég veit að "punch-line"-ið verður afar spakt.

[Marta B Helgadóttir, 12.9.2007 kl. 23:20]

Góð Vilborg

[Halldór Egill Guðnason, 13.9.2007 kl. 14:07]

Marta mín.:Fór  bara með tölvuna í viðgerð og var sambandslaus á meðan. Hélstu að ég hefði uppgötvað paradís einhversstaðar?  Vildi að svo væri. "Smjúts"