Dansað á bombólum

... ég var að koma frá Húsavík... var þar í dag að vinna... þar standa yfir Mærudagar, en Mæra er orð sem þýðir sælgæti á þessum slóðum....

... það minnir mig á það, að þarf sem ég ólst upp voru notuð orð sem ekki þekktust annars staðar... dæmi:

Blink = spúnn - ég heyrði ekki orðið spúnn fyrr en ég var orðinn unglingur

Bombólur = það voru svona bomsur sem var hægt að óla að ofan og þrengja svo ekki færi t.d. snjór ofan í þær.

... þegar ég var á Bifröst fyrir langalöngu... þá gáfum við út ljóðabók ég og vinur minn... bókin sú hlaut nafnið: Dansað á bombólum.

Hún var gefin út í einu eintaki og ég held að vinurinn eigi hana ennþá.

Ég held ég muni ljóði:(þetta er nokkurs konar skólaljóð)

Snigill bjarmans
leggur rúllutertuna í einelti
fór afi þinn í berjamó? 

 

Athugasemdir

[Ásgeir Rúnar Helgason, 25.7.2007 kl. 21:20]

Við Skjálfandaflóa er skaplegt að búa

skarta þar Kinnarfjöll herlegri flík

þér segi ég vinur og því máttu trúa

það er blómstrandi mannlíf á Húsavík.

Viðlag:

Náttfara langaði að vera hér lengur

líklega var þetta öðlings drengur.

Garðar í árdaga gekk hér á land

og gerði sér fyrsta húsið á Fróni

enga þó tryggð við ættlandið band

enda var þetta sænskur dóni.

Viðlag:

En - Náttfara langaði að vera hér lengur

líklega var þetta öðlings drengur.

Skál:

[Brattur, 25.7.2007 kl. 21:35]

... þetta er flott, Ásgeir... það var allt iðandi af mannlífi á Húsavík í dag... alltaf finnst mér skemmtilegt að koma þarna...

[Anna Einarsdóttir, 25.7.2007 kl. 22:14]

Og fór hann í berjamó ?

[Brattur, 25.7.2007 kl. 22:17]

... já, og síðan hefur aldrei til hans spurts...

[Ásgeir Rúnar Helgason, 26.7.2007 kl. 20:31]

Náttfari fór í berjamó. Hann tók með sér gamla og slitna skó. Vissi ei hvað í fjöllunum bjó. Fullur af ró, Náttfari hló. Aldrei hann hefur aftur þó, komist í Náttfaravíkur. Í dag eru þar bara djöflar og dónar og helvítis píkur: