Hver yrkir í gegnum mig ?

Ég er nokkuð viss um að það er einhver sem yrkir í gegnum mig.

Í morgun vaknaði ég og þá var þessi vísa tilbúin í kollinum á mér.
Ekki gerði ég hana, það eitt er víst, því ég var steinsofandi þegar hún varð til.
Enda skil ég ekkert í því hvert höfundurinn er að fara:

Stirður er á mér skrokkurinn
skakkur og snúinn lokkurinn
Skildi hann hleypa okkur inn
sænski skíta kokkurinn?.

.

Þekkt er að framliðnir drekki í gegnum lifandi fólk. Ég man eftir því fyrir mörgum árum þegar hlustendur voru að hringja inn á útvarpsstöðvarnar í Þjóðarsálina og slíka þætti. Þá hringdi kófdrukkinn maður inn og sagði farir sínar ekki sléttar. Það var verið að drekka í gegnum hann og hann réði ekki neitt við neitt... það heyrðist líka í konu á bak við hann sem sagði að þessi sem drykki í gegnum manninn hennar hefði meira að segja hent henni út í vegg rétt áðan... Þau voru í mestu vandræðum með þennan anda sem notfærði sér eiginmanninn með þessum hætti.

Ég vona að sá sem yrkir í gegnum mig sé ekki mjög drykkfeldur.

 

Athugasemdir

[Brjánn Guðjónsson, 15.8.2009 kl. 14:37]

hey, það vantar 'R' í fyrirsögnina.

vísa sem ég hef birt áður og er samin af pabba æskuvinar míns. Á líklega vel við Björgólfsfeðgana og fleiri. Hét ruglið þeirra ekki Samson?

Samson hefur saddan kvið

sínar garnir fullar

Ropar, hóstar, ræskir sig

rekur við og drullar

[Finnur Bárðarson, 15.8.2009 kl. 15:23]

Hvað gerir blogg skemmtilegt ?: Að lesa svona færslur og athugasemdir :)

kveðja

[Brattur, 15.8.2009 kl. 16:55]

Góður Brjánn... eina sem ég skrifaði í færslunni var fyrirsögnin og ég klúðraði henni...  ....

[Hrönn Sigurðardóttir, 15.8.2009 kl. 23:11]

Þetta hljómar svolítið eins og Anna hafi ort þetta.... hefurðu spurt hana út í þetta?

[Brattur, 16.8.2009 kl. 09:37]

Ja, þú segir nokkuð Hrönn... nú hefur Anna réttarstöðu grunaðra...