Vidic þyrsti

Nú eru kettlingarnir orðnir þriggja vikna. Í dag var hús þeirra stækkað úr einu herbergi í tvö.
Engin kreppa á hjá þessum útrásarvíkingum.

Þeir ferðast nú um jarðgöngin Kattegat til þess að skoða þennan nýja heim og verða ofboðslega hissa þegar þeir sjá alveg eins herbergi hinum megin.

Persónueinkennin eru að koma í ljós. Ronaldo er greinilega fljótastur að ferðast um... Alexsandra er pen og kurteis og vælir ekki eins mikið og strákarnir. Tevez er með Suður Amerísk einkenni... svolítill Indíáni í sér... og svo er það hann Vidic... hann sker sig úr hvað lit varðar... er sá eini sem er grár... hann er pínulítið útundan og seinni til en hinir... hann opnaði t.d. augun seinastur allra... en honum finnst sopinn góður... drekkur þar til hann lognast út af...

Ég heiti Vidic og er mjög oft þyrstur
Ég er alltaf seinn og aldrei fyrstur
Hjá mömmu ég drekk, hún kúrir sig
Svo líður oft snögglega yfir mig
.

 

.

Athugasemdir

[Ragnheiður , 12.5.2009 kl. 00:15]

Hahaha myndin er snilld með vísunni...alveg handónýtur kettlingur hehe

[Ingibjörg Friðriksdóttir, 12.5.2009 kl. 11:23]

Svo sendið þið Tevez auðvitað til mín um leið og skiptin fara fram

[Finnur Bárðarson, 12.5.2009 kl. 17:42]

Aumingja kallinn :)

[Hrönn Sigurðardóttir, 13.5.2009 kl. 09:40]

hann er algjört krútt