Upprifjun

Ég var að skoða hvað ég hefði verið að skrifa fyrir ári síðan á blogginu... fann þá þetta og fannst það bara eiga vel við núna ári síðar; 

 ... það er blankalogn úti núna, vorilmur í loftinu... Skógarþröstur syngur af innlifun á toppi hæsta trésins í götunni... vorið er yndislegt... boðar betri tíð með blóm í haga... en þó þessi vetur hafi verið grimmur... með miklum snjó og hrikalegum hvassviðrum, þá er búið að vera vor hjá mér í allan vetur...

...fallegt, hlýtt, yndislegt vor...

Vor í vetur.

Vindurinn bankaði 
kalt á gluggann

inni í hitanum slógu
hjörtun í takt

það skipti ekki máli
hvort það snjóaði
endalaust

raunar áttu þau
enga ósk heitari

en að hús þeirra
fennti í kaf 

.

 

.

Athugasemdir

[Ingibjörg Friðriksdóttir, 12.4.2009 kl. 12:02]

 Gleðilega páska!

[Guðni Már Henningsson, 12.4.2009 kl. 16:45]

Það er gott að hvíla sig aðeins frá stjórnmálavafstrinu þessa dagana og hugsa um vorið.....

[Finnur Bárðarson, 12.4.2009 kl. 18:20]

Fallegt ljóð, ert þú líka skúffuskáld eins og ég ?

[Brattur, 12.4.2009 kl. 19:20]

Já, Finnur ég held að allir Íslendingar séu skúffuskáld...

[Finnur Bárðarson, 12.4.2009 kl. 19:56]

Jæja þá er ég í góðum félagsskap :)