Svarti hugprúði riddarinn

... einu sinni var riddari... hann var mjög prúður og með fallegan huga... hann var því alltaf kallaður Svarti hugprúði riddarinn...

... þetta var ekki alvöru riddari sem þeysist um á arabískum bleikum gæðingi í gengum skógarstíga á eftir bófum og ræningjum... nei þetta var skákriddari... hann var í svarta liðinu af því að í æsku hafði hann, næpuhvítur verið málaður svartur...

Svarti hugprúði riddarinn var ekki góður í skák... hann gat ekki gert flugu mein, hvað þá drepið aðra riddara, biskupa, drottningar og kónga...

.

 

.

Eigandi taflsins og taflmannanna var eyrnalæknir... hann var í skákklúbbi nokkurra karla sem hittust á fimmtudagskvöldum í húsnæði Landsambands inniskósmiða... fyrrverandi svili hans var inniskósmiður og nokkuð sleipur í skák... hann var varaformaður Landsambandsins og hafði metnað og vonir um að verða næsti formaður þess...

Egvin eyrnalæknir var eiginlega í vandræðum með svarta hugprúða riddarann... Egvin viss af þessum veikleika riddarans... og það var næstum því óvinnandi vegur að sigra með svörtu þegar svarti hugprúði riddarinn var í liðinu...

Egvin eyrnalæknir ákvað því eitt fimmtudagskvöldið að lauma svarta hugprúða riddaranum í boxið með skákmönnunum sem Sigvaldi fyrrverandi svili hans átti... og taka riddara Sigvalda í staðinn...

.

 

.

Þegar svo Egvin eyrnalæknir mætti Sigvalda fyrrverandi svila sínum í skák þetta fimmtudagskvöldið ákvað Egvin að leika drottningu sinni í dauðann... þar sem svarti riddarinn gat drepið hana... hahaha... hann vissi að hún var óhult á Davíð fimm... svarti hugprúði riddarinn gat ekki drepið... þó hann kæmist í einu stökki á Davíð fimm...

En Egvin reiknaði ekki með því sem gerðist næst... hvíta drottinginn hoppaði á bak svarta hugprúða riddaranum... gulur reykur leið út um eyru riddarans... síðan flaug hann út um gluggann á húsi Landsambands inniskósmiða... drottningin snéri sér við með stríðnissvip á andlitinu, hún lagaði kórónu sína um leið og hann heyrði hana segja...

Skák og mát Egvin eyrnalæknir...

Athugasemdir

[Steingrímur Helgason, 15.9.2008 kl. 23:06]

Örsöguleg snilld...

Hvaða 'zweppir' vaxa í þínum húsgarði ?

[Brattur, 15.9.2008 kl. 23:14]

... í bakgarði mínum vaxa svokallaðir "sögusveppir"... þeir tala í gegnum mig