Geggjuð hugmynd

... ég geri mér alveg grein fyrir því að ég fæ aldrei Fálkaorðuna... ég er líka nokkuð viss um að ég fer ekki á frímerki... né á peningaseðla... ekki reikna ég með að af mér verði gerð brjóstmynd...

... ég er samt með alveg geggjaða hugmynd...

... mig langar að framleiða hnúta með mynd af mér á... og textann að sjálfsögðu;

Brattur batt ekki bagga sína sömu hnútum og samferðamenn hans...

... fólk gengi með þessa hnúta í vasanum, þeir væru í hanskahólfum bíla o.s.frv.

Veit einhver um Brattinn minn?... væri spurt... réttu mér Brattinn...

Hvernig lýst ykkur á þessa hugmynd... mynduð þið ekki kaupa svona hnúta?

.

.

En svo eftir fimmtíu ár fæddist gáfað barn og það myndi spyrja; af hverju eru þið öll með þessa hnúta? Hvað gerið þíð við þá? Það myndi náttúrulega engin vita svarið, því engin notaði þá til eins eða neins... og þá myndu þeir hverfa úr daglegu lífi eins og hver annar öskubakki... en mér væri þá alveg sama, búinn að fá nóg út úr þessu.

Athugasemdir

[Res (IP-tala skráð) 13.9.2008 kl. 08:13]

Ég fæ bara hnút í magann............

[Gulli litli, 13.9.2008 kl. 09:04]

Svona snara....snarbrattur...

[Einar Indriðason, 13.9.2008 kl. 09:26]

Heyrðu, já... þú gætir meira segja sameinað hnútinn inn við Björgunarmanninn eða Björgunarkonuna frá Landsbjörgu.  Fengið að hnýta hnútinn þinn við Björgunarpersónuna, þegar hún fer í sölu!

Heyrðu... þarna er búið að leysa dreifingarvandamálið hjá þér :-)

[Edda Agnarsdóttir, 13.9.2008 kl. 09:58]

Ég kaupi einn og segi svo barnabörnum sögu af Bratti og þau halda áfram að segja sögur af Bratti og áfram og áfr...

[Bergljót Hreinsdóttir, 13.9.2008 kl. 11:13]

Þú gæti líka haft fjölbreytni í þessu Brattur minn...sko... óskaBrattur...björgunarBrattur...bænaBrattur...gegnkvíðaogstreituBrattur.... gegnprófkvíðaBrattur....samningaBrattur...

Svo bara ef maður er óöruggur, kvíðinn eða stressaður...vill óska sér eða bara hvað sem er...þá kreistir maður hnútinn góða í vasanum og finnst maður mun öruggari...treystir bara á að þessi hnútur komi í staðinn fyrir að maður fái hnút i magann eða að allt fari í hnút...

[Rut Sumarliðadóttir, 13.9.2008 kl. 13:40]

Er þetta mál komið í hnút?

[Brattur, 13.9.2008 kl. 13:47]

... það er greinilega margir möguleikar varðandi þessa hnúta... gott að fá viðbrögð og uppástungur í þeim efnum... en ég er svo sem ekki öllum hnútum kunnugur...