Arfi - gátusaga - - gisgis.blog.is

Höfundur

Brattur

Hef áhuga á tónlist - ljóðum - fluguveiði - enskum fótbolta - sultum og jafnrétti kynjanna. Skák er einnig í miklu uppáhaldi.

Nota bene

Blogglistinn

Topplistinn

Tónlistarspilari

Brattur - Hann gerir það vel

Færsluflokkar

Bloggvinir

Maí 2024

S	M	Þ	M	F	F	L
			1	2	3	4
5	6	7	8	9	10	11
12	13	14	15	16	17	18
19	20	21	22	23	24	25
26	27	28	29	30	31

Fyrri

Næsti

... illgresi er það kallað sem vex á stöðum þar sem það á ekki að vaxa á... arfi er dæmi um jurt sem kölluð er illgresi... hann hefur slæmt orð á sér og er reittur upp úr beðum af grimmum grænum höndum um land allt...

... en ekkert er alslæmt, arfinn lumar á sér... hann er betri en við höldum...

Þetta las ég mér til um arfann á netinu:

Arfinn er lækningajurt. Gott að vita af honum ef einhver skyldi meiða sig og hlaupa upp með bólgur. Þá má leggja kælandi og sefandi arfabakstur á auma staðinn og ekkert er meira frískandi en arfaflækja til að leggja í nýveiddan fisk meðan hann bíður þess að komast í pottinn eða á pönnuna.

Næsta vor er ég því að spá í að vera með arfabeð við hliðina á kartöflugarðinum.

Mér dettur í hug í lokin sagan um manninn sem hét Arfi. Ekki nokkur manneskja myndi skíra barnið sitt þessu nafni í dag. En foreldar hans voru þau Farði og Arða sem þekkt voru fyrir ósmekklegheit allt sitt líf.

En Arfa kallinum honum var aldrei boðið í veislur og mat... fólk gat ekki hugsað sér að segja; ég er að fá Arfa í mat.
Hann gerðist samt oft boðflenna og tróð sér inn í veislusali án þess að nokkur tæki eftir því í upphafi. En þegar fólk sá til hans var honum umsvifalaust hent út.

hh13544

Margir myndu nú halda að þessi saga endaði illa, en svo er nú aldeilis ekki.

Hann kynntist góðri konu sem var alveg sama þótt hann héti Arfi... hún var arfavitlaus í hann og elskaði hann afar heitt... þau rugluðu saman reitum, giftust og lifðu hamingjusömu lífi upp frá því.

Arfi kallaði hana alltaf "Puntustráið" sitt".

Þá kemur spurningin; hvað hét konan?

Flokkur: Dægurmál | Breytt s.d. kl. 20:31 | Facebook