Arfi - gátusaga -

... illgresi er það kallað sem vex á stöðum þar sem það á ekki að vaxa á... arfi er dæmi um jurt sem kölluð er illgresi... hann hefur slæmt orð á sér og er reittur upp úr beðum af grimmum grænum höndum um land allt...

... en ekkert er alslæmt, arfinn lumar á sér... hann er betri en við höldum...

Þetta las ég mér til um arfann á netinu:

Arfinn er lækningajurt. Gott að vita af honum ef einhver skyldi meiða sig og hlaupa upp með bólgur. Þá má leggja kælandi og sefandi arfabakstur á auma staðinn og ekkert er meira frískandi en arfaflækja til að leggja í nýveiddan fisk meðan hann bíður þess að komast í pottinn eða á pönnuna.

Næsta vor er ég því að spá í að vera með arfabeð við hliðina á kartöflugarðinum.

Mér dettur í hug í lokin sagan um manninn sem hét Arfi. Ekki nokkur manneskja myndi skíra barnið sitt þessu nafni í dag. En foreldar hans voru þau Farði og Arða sem þekkt voru fyrir ósmekklegheit allt sitt líf.

En Arfa kallinum honum var aldrei boðið í veislur og mat... fólk gat ekki hugsað sér að segja; ég er að fá Arfa í mat.
Hann gerðist samt oft boðflenna og tróð sér inn í veislusali án þess að nokkur tæki eftir því í upphafi. En þegar fólk sá til hans var honum umsvifalaust hent út.

.

.

Margir myndu nú halda að þessi saga endaði illa, en svo er nú aldeilis ekki.

Hann kynntist góðri konu sem var alveg sama þótt hann héti Arfi... hún var arfavitlaus í hann og elskaði hann afar heitt... þau rugluðu saman reitum, giftust og lifðu hamingjusömu lífi upp frá því.

Arfi kallaði hana alltaf "Puntustráið" sitt".

Þá kemur spurningin; hvað hét konan?

Athugasemdir

[Sandhóla Pétur (IP-tala skráð) 10.8.2008 kl. 22:15]

Hnallþóra?

[kop, 10.8.2008 kl. 22:16]

Það er sennilega arfavitlaust svar, en mér finnst að hún eigi að heita Gleymmérey.

[Hrönn Sigurðardóttir, 10.8.2008 kl. 23:23]

Rósa?

[Hrönn Sigurðardóttir, 10.8.2008 kl. 23:24]

Annars blómstrar arfi líka arfafallega...... Mér finnst það ekkert illa til fundið að hafa arfabeð við hliðina á kartöflubeðinu.

[Hrönn Sigurðardóttir, 10.8.2008 kl. 23:25]

Sóley?

[Hrönn Sigurðardóttir, 10.8.2008 kl. 23:25]

Nei! Ég veit!! Lilja?

[Hrönn Sigurðardóttir, 10.8.2008 kl. 23:27]

Björk?

[Hrönn Sigurðardóttir, 10.8.2008 kl. 23:27]

Fjóla?

[Hrönn Sigurðardóttir, 10.8.2008 kl. 23:28]

Urður Ösp?

[Hrönn Sigurðardóttir, 10.8.2008 kl. 23:30]

Gullbrá?

[Hrönn Sigurðardóttir, 10.8.2008 kl. 23:30]

[Brattur, 10.8.2008 kl. 23:49]

úpps... Hrönn... góðar tilgátur... Vörður... einnig hjá þér... svarið er á leiðinni...

[Edda Agnarsdóttir, 10.8.2008 kl. 23:49]

Fífa

[Edda Agnarsdóttir, 10.8.2008 kl. 23:50]

Eða bara Strá eða Gras.

[Edda Agnarsdóttir, 10.8.2008 kl. 23:51]

"Hvönn" er náttla ekkert strá en hún vex villt.

[Edda Agnarsdóttir, 10.8.2008 kl. 23:55]

Njóla

[Edda Agnarsdóttir, 10.8.2008 kl. 23:58]

Kartöflugras

[Brattur, 11.8.2008 kl. 00:12]

... takk fyrir mjög góðar tilgátur, en því miður þá var engin með þetta rétt að þessu sinni, hún hét Guðrún Jónsdóttir...

[Hrönn Sigurðardóttir, 11.8.2008 kl. 01:53]

Ég ætlaði að fara að stinga uppá Baunaspíra......

[Brjánn Guðjónsson, 11.8.2008 kl. 12:32]

ætlaði að stinga upp á „Lofthæna“

hænurnar í sveitinni voru alveg arfavitlausar í arfa

[Gulli litli, 11.8.2008 kl. 14:24]

ertu orðin arfavitlaus maður?

[Edda Agnarsdóttir, 11.8.2008 kl. 16:56]

Flottar tilllögur samt!

Guðrún Jónsdóttir er náttla eðalnafn.