Til eru fræ

Fann þessa fallegu mynd á netinu... fannst þetta klassíska ljóð Davíðs Stefánssonar passa við.

Til eru fræ

Til eru fræ, sem fengu þennan dóm:
Að falla í jörð, en verða aldrei blóm.
Eins eru skip, sem aldrei landi ná,
og iðgræn lönd, er sökkva í djúpin blá,
og von sem hefur vængi sína misst,
og varir, sem að aldrei geta kysst,
og elskendur, sem aldrei geta mæst
og aldrei geta sumir draumar ræst.

Til eru ljóð, sem lifna og deyja í senn,
og lítil börn, sem aldrei verða menn.

.

Athugasemdir

[Guðný Anna Arnþórsdóttir, 1.7.2008 kl. 22:45]

Þetta er frábær mynd. Ljóðið er ein af perlum Davíðs, ég man að þegar ég heyrði Erlu Stefáns lagið við þetta ljóð fyrir uþb öld, fékk ég ekkasog útaf sorg heimsins. Úff, hvað maður var viðkvæmur - þá.

[Halldór Egill Guðnason, 2.7.2008 kl. 04:51]

"Shadows of the past"............  Einn góðan veðurdag munum við eiga slíka skugga Brattur. Þangað til gerum við allt það besta úr öllu. Ljóðið fallegt, myndin frábær og við lítt, illa, eða órakaðir.  

[Edda Agnarsdóttir, 2.7.2008 kl. 11:58]

Skondin mynd sem segir nær allt - nema þetta með illa rakaða menn sem Halldór talar um, það ku samkvæmt nýjustu niðurstöðum af einhverri könnun sem konur tóku þátt í vera mest kynferðislegir karlmenn sem eru útlits eins og illa rakaðir!

[Ingibjörg Friðriksdóttir, 2.7.2008 kl. 13:09]

Dásamleg mynd sem gefur hugmyndafluginu lausan taumin.

Ljóðið hans Davíðs er yndislegt og fær enn dýpri merkingu þegar Haukur heitinn syngur það.

[Birna Dis Vilbertsdóttir (IP-tala skráð) 2.7.2008 kl. 15:30]

Frábær mynd.Ég er sammála Ingibjörgu um að lagið er einstakt í flutningi Hauks heitins

[Guðný Anna Arnþórsdóttir, 2.7.2008 kl. 23:05]

Já, Haukur var frábær, en munið þið ekki eftir einhverri konu sem mig minnir að hafi heitið Erla - söng hún kannski tvísöng með Hauki?  Svei mér þá ....

[Guðný Anna Arnþórsdóttir, 3.7.2008 kl. 21:49]

Já, já, svariði bara endilega, takk fyrir svörin ....