Sálfræðingurinn

Einu sinni var sálfræðingur sem átti hamstur...
... hamstur þessi kemur ekki meira við sögu... nema hvað hann hét Gulli...

.. yndislegan sólskinsdag rölti sálfræðingurinn út í byggingavöruverslun og keypti fúavörn...
... í dag ætlaði hann að fúaverja grindverkið...
... hann tölti heim sæll og glaður.. klæddi sig í stuttbuxurnar sem hann hafði keypt á Jamacia fyrir nokkrum árum...... og rósótta skyrtu sem honum var alveg sama um... settist á koll við grindverkið, opnaði dósina og hrærði í...

... en obobbobb... hann hafði gleymt að kaupa pensil... hann nennti ómögulega út í búð aftur...

.

 

 .

... fór og bankaði upp hjá Sigursteini nágranna sínum... Sigursteinn var
náttúrulega ekki heima frekar en fyrri daginn... en Fjóla, konan hans kom til dyra 
með hárið úfið og stýrurnar í augunum...

... það lagði út úr henni áfengislykt... Nei, muldraði Fjóla, ég á engan helv... pensil...

... svo skellti hún aftur hurðinni á nefið á pensillausa sálfræðingnum...

Sálfræðingurinn hafði fengið hugmynd eftir að hafa séð hárið á henni Fjólu... 

...hann fór inn í bílskúr og náði í tvist, vafði honum utan um prik og festi með kennaratyggjói... þarna var kominn þessi fíni pensill... sálfræðingurinn fór inn og náði sér í kalda appelsín ... og svo settist hann á kollinn aftur og byrjaði að fúaverja grindverkið... hann blístraði lag og fannst hann bara nokkuð snjall...

.

 

.

... Allan tímann sat Gulli hamstur út í glugga og fylgdist með brasinu í sálfræðingnum og skemmti sér konunglega...

... og við sem héldum öll að Gulli hamstur kæmi ekki meira við sögu... ha...

Athugasemdir

[Gunnar Helgi Eysteinsson, 14.1.2008 kl. 06:31]

Þessi saga er snilld...

[Ingibjörg Friðriksdóttir, 14.1.2008 kl. 09:28]

Ég var auðvitað farin að ímynda mér að tvisturinn væri hamsturinn og hamsturinn tvisturinn, en eins og fyrri daginn tókst þér að villa um fyrir mér.

Þú ert svo góður í að byggja upp sögur, að ég mæli með því að þú toppir Arnald, fyrir næstu jól!

Þú getur það auðveldlega..

Ég er farin út í búð að hamstra fyrir kreppuna

twista síðan heim, niður brekkuna.

[Ari Guðmar Hallgrímsson, 15.1.2008 kl. 12:56]

  Góður...

Kveðja

[Ingibjörg Friðriksdóttir, 16.1.2008 kl. 21:34]

Ég hélt ég væri komin með nýjan bloggvin, en þá varst það bara þú Brattur.

Flott mynd af þér Viltu koma í snjókast

[Ingibjörg Friðriksdóttir, 16.1.2008 kl. 21:42]

?

[Gunnar Helgi Eysteinsson, 16.1.2008 kl. 21:43]

Ert þú hann?

[Ingibjörg Friðriksdóttir, 16.1.2008 kl. 21:45]

Hann heldur þetta bara afþví að þú ert efstur karla á vinalistanum

[Gunnar Helgi Eysteinsson, 16.1.2008 kl. 22:11]

hahahahaha komst upp um mig

[Brattur, 16.1.2008 kl. 22:13]

... Gunnar Helgi, ég skil ekki baun?

[Ásgeir Kristinn Lárusson, 16.1.2008 kl. 22:15]

Er du ham?

[Guðrún Jóna Gunnarsdóttir, 16.1.2008 kl. 22:56]

Ert þú hann?

[Svanhildur Karlsdóttir, 17.1.2008 kl. 00:46]

Ert þú hann ?

[Ragnheiður , 17.1.2008 kl. 00:47]

Ég sá fyrir mér að sálinn myndi mála með hamstrinum  Greinilega búin að horfa á of margar bíómyndir

[Kolgrima, 17.1.2008 kl. 03:36]

Þú ert hann! Til hamingju með það

[Maddý (IP-tala skráð) 17.1.2008 kl. 09:38]

Ég var að fatta þetta núna, þú ert hann!!! 

Þið eruð nú meiri rúsínurnar ... ...

[Ingibjörg Friðriksdóttir, 17.1.2008 kl. 13:52]

Ég fékk tölvupót frá Arnfinni um daginn, hann sagðist búa yfir einhverju sérstöku, ætli það sé hann?  Ég reyndi að fara á síðuna hans, en það er ekki hægt að kommenta á hana.  Ætli Anna bloggvinkona okkar sé að fara með einn skrípaleikinn enn.  Hún má það, bæði formaður og sparisjóðsstjóri.  Hvað segir þú Gísli minn, ertu alltaf í boltanum eða ert þú hann?