Mannætan

.. einu sinni var mannæta... henni var boðið til Íslands og þar óku gestgjafar með hana hringveginn...
og á helstu ferðamannastaði, Gullfoss og Geysi... Mývatn... Haganesvík...

... en eins og gengur þurfti að stoppa á ýmsum stöðum og fá sér að borða... en hvað átti að gefa mannætunni að borða?

... það hafði eiginlega enginn hugsað út í það... nú var ýmislegt prufað... pylsur og hamborgarar... lúða... lambakjöt...harðfiskur

... það var helst hákarlinn sem mannætan gat nartað í, en ekkert annað fannst henni gott... mannætan fór að verða verulega svöng og samferðafólkið fór að ókyrrast, hún horfið orðið svo mikið á handleggi og annað sem sást í á líkömum þeirra...

... það var ekki fyrr en hersingin stoppaði í Þingeyjarsýslunni hjá honum Óla á Hveravöllum að loksins fannst eitthvað sem mannætan gat borðað með góðri lyst... en eins og margir vita, þá ræktar hann Óli á Hveravöllum bestu tómata í heimi...

... mannætan borðaði þrjú kíló af tómötum á nokkrum mínútum, ropaði og sleikti út úr þegar hún var loksins orðin södd..

.

 

. 

 

... skottið á bílnum var fyllt af tómötum og brunað úr hlaði... hlátrasköll glumdu um alla sveit... mannætan var glöð..

... Óli horfði á eftir bílnum sem hvarf í rykmekki niður á þjóðveg og hugsaði...

... hvað í ósköpunum var nú þetta?

Athugasemdir

[Gunnar Helgi Eysteinsson, 13.1.2008 kl. 12:40]

Brattur mér finnst að þú eigir að fara út í stjórnmál. Þú skrifar (segir) fullt af skemmtilegum orðum... en ég skil ekki baun.

[Brattur, 13.1.2008 kl. 12:55]

Gunnar... eigi mun ek fara í sjórnmál, þar sem allt er breytingum undirorpið og allt er í heiminum hverfullt... eigi skil ég baunir heldur, enda tala þær fremur óskýrt...

[Maddý (IP-tala skráð) 13.1.2008 kl. 13:27]

Það var nú gott að mannætan lifði af Íslandsferðina, sumir sleppa ekki héðan lifandi ....

[Árni Gunnarsson, 13.1.2008 kl. 14:13]

Hvað borgaði Óli á Hveravöllum þér fyrir þessa frábæru auglýsingu sem er nú eiginlega óborganleg?

Eða ertu kannski Óli á Hveravöllum?

[Brattur, 13.1.2008 kl. 14:19]

... hehe... Árni, ekki er ég nú Óli á Hveravöllum... en ég kannast við kappann... þetta er í boði hússins...

[Halldór Egill Guðnason, 13.1.2008 kl. 20:32]

[Anna Einarsdóttir, 13.1.2008 kl. 20:52]

Gunnar Helgi....... þótt þú skiljir ekki baun, veistu þó hvað eru margar baunir í einni hálfdós.  Ég myndi segja að það væri bót í máli. 

Brattur..... má þá skilja það sem svo, að tómatar séu mennskir ?  Kannski bara lítið kafrjótt fólk. 

[Brattur, 13.1.2008 kl. 21:03]

... já,ég held það bara Anna... heitir tegundin þá ekki bara tómaður...

[Gunnar Helgi Eysteinsson, 13.1.2008 kl. 23:02]

506 baunir

[Anna Einarsdóttir, 13.1.2008 kl. 23:17]

Ó nei Gunnar...... þú giskaðir á 506 og vannst, þar sem þú varst næstur réttri tölu... en samkvæmt hárnákvæmri talningu minni, voru baunirnar 532.