Fjallið

... það getur verið gaman að ferðast um landið á öllum tímum ársins... vegna vinnu minnar er ég mikið á ferðinni og dáist alltaf jafn mikið af litbrigðum himinsins og margbreytilega... í gærmorgun var ég á ferðinni í Húnavatnssýslum.. ský og litir tóku á sig allskonar myndir í morgunsárið... einhvertíma birti ég hér á síðunni ljóðið Fjallið... það kemur hérna aftur, mér fannst það einhvernvegin passa svo vel við þessa mynd...

 

.

 Fjallið

Sjáðu fjallið þarna er það
það er svo hátt þú varla sér það
hirtu ekki um kaldann vindinn
haltu þráðbeint upp á tindinn

Þétt er morgun þokan gráa
Fjallið gerir menn svo smáa
Ekki yfir striti kvarta
Fylgdu alltaf þínu hjarta

Brött er brekkan vörðu grjóti
Öll er leiðin upp í móti
Á grýttu fjalli margur týnist
Það er lengra upp en sýnist

Um kvöld á fjallsins tindi stendur
Horfir yfir höf og lendur
Af þér heitur svitinn bogar
Himinhvolfið allt það logar
 

Athugasemdir

[Marta B Helgadóttir, 4.11.2007 kl. 19:42]

Mikið er þetta fallegt Brattur

[Rannveig Margrét Stefánsdóttir (IP-tala skráð) 5.11.2007 kl. 16:12]

Þetta er falleg ferðasaga,  ég finn angann af svita og þreytu, kannast við tilfinninguna af klífa mis erfiða tinda

[Halldór Egill Guðnason, 5.11.2007 kl. 19:34]

Flott mynd, flott ljóð. Sannur Brattur

[Ingibjörg Friðriksdóttir, 5.11.2007 kl. 20:01]

þú ert laaaaaaaaaangflottastur Brattur.

[Hulda Margrét Traustadóttir, 5.11.2007 kl. 20:54]

Falleg mynd og ljóð ! Vona að allt sé í lagi hjá þér og þínum og við eigum eftir að heyra frá þér þó síðar verði. Skil það manna best að vera í önnum. Er búin að bóka húsið á Ketilási 26. júlí 2008. Vilborg sendir þér fundargerðina í kvöld eða á morgun. Biðjum að heilsa.

Kv. Magga

[Edda Agnarsdóttir, 10.11.2007 kl. 15:22]

Gull Myndin er flott

[Halla Rut , 11.11.2007 kl. 01:59]

Fallegt ljóð og mynd.