Á tindinum

Fátt er skemmtilegra en að sigra sjálfan sig. Nema þegar að maður teflir við sjálfan sig og vinnur, þá er eins og það hafi orðið jafntefli. En að ganga á fjöll og ná tindinum er nautn. Það getur verið erfitt, en þegar upp er náð, þá verður maður voða kátur.

Þann 17. ágúst sl. gekk ég með vini mínum á Múlakolluna í Ólafsfirði. Þetta var erfitt, en mjög gaman, ekki síst þar sem við höfum ekki sést lengi, ég og vinurinn. Og hér eru félagarnir uppi á kollunni, bara ánægðir með sjálfa sig.

... annars er ég rokinn í veiði o.fl. og kem ekki aftur fyrr en á sunnudaginn...

Athugasemdir

[Anna Einarsdóttir, 30.8.2007 kl. 10:39]

Teflir þú við sjálfan þig ?    Hvor er betri ? 

[Brattur, 30.8.2007 kl. 10:43]

... já, hefur þú ekki prufað það hmm... ég held alltaf með þeim sem er að tapa og læt hann vinna

[Hulda Margrét Traustadóttir, 30.8.2007 kl. 19:45]

Glæsilegt, allataf góð tilfinning að komast á tindinn. Ég er með eina spurningu handa þér og aðra sem ég hef nú þegar fengið samþykkta af Vilborgu....ef þú kíkir á síðuna mína ...væri ég þakklát.

Kv.

Magga

[Anna Einarsdóttir, 30.8.2007 kl. 20:26]

Kæra Magga. 

Brattur er í veiðitúr.  Hann kíkir við um leið og hann kemur heim.

Með kveðju,

Einkaritari Bratts. 

[Hulda Margrét Traustadóttir, 30.8.2007 kl. 21:02]

Hæ Anna, takk fyrir þetta...er að biðla til góðra ljóðskálda, þar sem ég er sjálf að mála myndir...og vnatar aðra sýn á myndirnar mínar, til þess að gera eitthvað öðruvísi en ég er vön...þú skilur.....takk. Magga

[Hulda Margrét Traustadóttir, 30.8.2007 kl. 21:04]

En sýnist þú nú nokkuð glúrin sjálf hm hm...Magga

[Ingibjörg Friðriksdóttir, 30.8.2007 kl. 22:25]

Mér finnst alveg nóg að ganga upp á Hól. Ég held að það sé ekki hollt eldri konum að ganga á fjöll, ég hef heyrt að þær geti jafnvel misst legið, ef hátt er farið.

Svo Hóllinn minn er málið, get boðið ykkur uppá hann þegar við höfum teflt nægju okkar.

 Annars eruð þið Siggi fjallmyndarlegi upp á Múlanum.

Er að fara heim að lúlla, orðin þreytt á öllu þessu streði í vinnunni.  Kvíði samt örlítið að koma heim, þar sem Fram tókst ekki að vinna Keflavík í kvöld.  Ég bý nefnilega við hálfgert íþróttaofbeldi.   Brattur, það styttist í að ég leki maskanum.

Hlakka til!

[kloi, 30.8.2007 kl. 23:29]

Ég vann einu sinni sjálfan mig í bjórþambi, burstaði mig alveg.... ....góður þessi

[Vilborg Traustadóttir, 31.8.2007 kl. 11:59]

Ég spila "hearts" í tölvunni, vinn stundum þau Pauline, Michele og Ben......Fjallmyndarlegir var orðið!!!!

[Guðný Anna Arnþórsdóttir, 1.9.2007 kl. 01:36]

Góðir á tindinum. Gott að þið voruð tveir. Blés?

[Jóna Á. Gísladóttir, 2.9.2007 kl. 00:34]

Brattur. Ég brosti þegar ég sá myndina.  Þú ert með eitt það viðkunnalegasta andlit sem ég hef séð. Ég bara varð að brosa á móti. Dettur í hug Connery. Nema þú ert flottari.

[Brattur, 2.9.2007 kl. 01:26]

Jóna;ég bara bráðna...