Púkkið

... jæja, kominn heim úr velheppnaðir veiðiferð... góð veiði, frábærir veiðifélagar, uppáhaldsráðskonan á staðnum... svo maður kemur heim saddur og sæll og töluvert hamingjusamari en áður... en ofboðslega þreyttur, já jafnvel ég, Brattur, er bara nokkuð framlágur núna... enda kallinn 54 ára í dag!

... en það eru nokkur augnablik sem maður gleymir ekki úr þessari ferð... þegar ég setti fluguna á bólakaf í fingurinn (það var heilbrigða löngutöngin - ekki þessi beyglaða sem ég sýndi ykkur mynd af í sumar) ég reyndi að rykkja flugunni út úr puttanum, en ekkert gekk, svo ég keyrði niður á heilsugæsluna á Húsavík þar sem skera þurfti pödduna úr... svo fór ég aftur upp í dal (Laxárdal) og hélt áfram að veiða... um kvöldið var svo settur gúmmíhólkur utan um putta greyið (ráðskonurnar hugsuðu svooo vel um mig)...

... síðan kynntum við bróðir veiðilagið og 15 kallar fengu diskinn og textann og sungu með okkur... síðan var sungið fram á nótt og endað á laginu "Dvel ég í draumhöll og dagana lofa" Ég hef sjaldan heyrt eins fallega útgáfu af því lagi... 15 mjúkir veiðimenn sungu þetta angurvært og sumir sofnuðu undir söngnum með sælubros á vör...

Púkkið

Allt sem þú í púkkið leggur

og allt sem þú gerir í dag

það vex upp og verður þinn veggur

og þitt líf

það verður, það verður

það verður þitt líf

Athugasemdir

[Halldór Egill Guðnason, 23.8.2007 kl. 22:49]

Sæll Brattur og velkominn úr veiðinni. Ertu þá núna með tvær beyglaðar löngutangir? Ljótt er ef satt er. Já og til hamingju með afmælið. Er ekki með neina drápu klára þér til heiðurs, en veit að þú erfir það ekki við mig. Var ekki tekinn upp söngurinn með 15 köllunum? Mikið held ég að það hafi hljjómað vel.

[Brattur, 23.8.2007 kl. 23:01]

...Halldór, nei því miður, engin upptaka... en í alvöru... þetta var alveg dásamlegt 15 kallar að syngja þetta ljúfa vöggulag... ómar enn í hausnum á mér...

... já og nú á ég enga almennilega löngutöng lengur...

[Anna Einarsdóttir, 23.8.2007 kl. 23:54]

[Anna Einarsdóttir, 23.8.2007 kl. 23:57]

[Anna Einarsdóttir, 23.8.2007 kl. 23:58]

..... með afmælið Brattur minn. 

Gaman að fá þig heim, klaufinn þinn.    Þarft nú ekki að fara langar leiðir til að veiða á þér puttann.

[Vilborg Traustadóttir, 23.8.2007 kl. 23:58]

Til hamingju með afmælið.

[Brattur, 24.8.2007 kl. 00:00]

...takk fyrir fallega kveðju Anna...

... hef reynda áhyggjur, fyrir skákmótið, að vera með 2 meiddar löngutangir... hvernig er hægt að tefla án þess að nota löngutangir... kanntu eitthvert ráð við því???

[Brattur, 24.8.2007 kl. 00:01]

... takk Vilborg... einu sinni var ég í ljónsmerkinu... en síðustu árin er ég alltaf í meyjarmerkinu... ég er ekki alveg sáttur við þessa breytingu... mér finnst ég vera ljón...

[Vilborg Traustadóttir, 24.8.2007 kl. 00:04]

Það gerir jafnréttið Brattur!!! Þú ert líka orðinn svo meyr er það ekki?

[Halldór Egill Guðnason, 24.8.2007 kl. 00:07]

Þú ert ljón Brattur. Láttu engan segja þér annað. Mæli með að þú teipir saman löngutangir og vísifingur á báðum höndum. Hafðu bara smá sveigju á löngutöngunum (slaka) svo þær heftir ekki vísifingurna þegar þú færir mennina og ýtir á klukkuna. Við strákarnir megum alls ekki við neinum meiðslum á mótinu. 

[Halldór Egill Guðnason, 24.8.2007 kl. 00:09]

P.s. með puttana svona teipaða gengur lika betur í sundinu. Svon leynisundfit, þú skilur  ( Vertu ekkert að nefna þetta við stelpurnar. Höfum þetta bara okkar á milli, strákanna)

[Anna Einarsdóttir, 24.8.2007 kl. 00:10]

Kræst !!  Ég malaði einu sinni vin minn í keilu.  Hann kenndi íþróttameiðslum um.  Var með smásár á fingri.  Þið eruð nú meiri kallarnir. 

[Brattur, 24.8.2007 kl. 00:12]

... Halldór, Halldór... ég sem var að brotna saman vegan þessara meiðsla... þú hefur vísað mér leiðina út úr svartnættinu, kæri félagi... nú þarf ég að teipa á morgun samkvæmt leiðbeiningum þínum og sjá hvernig gengur... í sundinu er þetta augljós kostur......

[Brattur, 24.8.2007 kl. 00:15]

... oooo... Anna sá í gegnum mig... ég var eiginlega að búa til "afsökunnarplan" EF ég skildi tapa einni skák...

... Vilborg... jú kannski er þetta bara jafnréttið sem tók yfirhöndina í stjörnukortunum sem og á öðrum sviðum í mínu lífi...

[Anna Einarsdóttir, 24.8.2007 kl. 00:18]

Þú kemur með almennilega afsökunarvísu og ekkert minna. 

Úff...... ég er búin að sofa í allt kvöld.  Nú verð ég að blaðra á síðunum ykkar fram á nótt.

[Halldór Egill Guðnason, 24.8.2007 kl. 00:18]

Keilu??? Þar skal ég mala alla mótsgesti ef þið þorið! Anna, skla meira að segja bara nota aðra hendina, takk fyrir. Brattur.: Gult teip er best.

[Brattur, 24.8.2007 kl. 00:23]

... ég fékk mér "fegurðarblund" þegar ég kom úr veiðinni í dag... það var ljúft, dreymdi suðandi mý og árnið... en vaknaði svo bara alveg eins og þegar ég fór að sofa... ekkert fallegri, frekar ljótari ef eitthvað var og hárið allt úfið... veit ekki af hverju þetta er kallaður fegurðarblundur

[Brattur, 24.8.2007 kl. 00:24]

...Gult teip... ertu að meina einganrunarteip????

[Anna Einarsdóttir, 24.8.2007 kl. 00:28]

Bíddu..... ætla að líta í spegil.......O... hefði átt að vera fallegri, miðað við lengd fegurðarblundsins.    Það er eitthvað bogið við þetta. 

Halldór,, keilutilboði tekið.  Þú notar vinstri !

[Halldór Egill Guðnason, 24.8.2007 kl. 00:31]

Já Brattur, einangrunarteip. Annaðhvort alveg gult, eða þetta með grænu röndunum þú veist, sem er notað fyrir jarðtengingu. Fer allt eftir stemmingunni og hvernig þetta passar við fötin þín.

Anna.: Er örvhentur, þannig að þetta er díll. Hvar og hvenær?

Nú er það skúffan. Aska gekk alveg frá mér í gærkvöldi og í kvöld einnig.

[Brattur, 24.8.2007 kl. 00:34]

... góða nótt Halldór... ég held ég hafi það jarðtengingarteip... allt fyrir öryggið

[Anna Einarsdóttir, 24.8.2007 kl. 00:36]

Má ég ekki örugglega hafa barnabraut Halldór ? 

[Heiða B. Heiðars, 24.8.2007 kl. 01:13]

Til hamingju með afmælið minn kæri!!

[Jóna Á. Gísladóttir, 24.8.2007 kl. 08:48]

Til hamingju með afmæli Brattur. Reyndu svo að halda hinum 8 puttunum heilum

[Hulda Margrét Traustadóttir, 24.8.2007 kl. 11:18]

Já til hamingju með afmælið.

En nú er ég að verða forvitin um framgang mála um Ketilásballið....þú búin að hitta fullt af Ólafsfirðingum og hefur vonandi reifað málið !! Vilborg er væntanleg aftur norður í lok sept, þá þurfum við að vera komin með eitthvað ......Hitti konu úr Fljótum um daginn sem sagði ekkert vandamál að vera með gott ball þarna. Hún ætlar að mæta ! 

Bíð eftir fréttum..

Magga

[Ingibjörg Friðriksdóttir, 24.8.2007 kl. 19:31]

Og hvað ertu svo orðinn gamall í árum talið?  Þarf að vita það, svo ég viti hvað ég eigi að leggja mikla vigt í afmælisóskina.

[Brattur, 24.8.2007 kl. 19:38]

...Imba... lesa færsluna betur!... sannleikurinn kemur allur fram þar...

[Brattur, 24.8.2007 kl. 19:41]

Magga... Ólafsfirðingar voru spenntir fyrir balli á Ketilási... það hefur bara allt farið úr skorðum í fríinu og ég varla gert handtak vegna anna!... en nú fer ég að leita að símanúmerinu hjá honum Steingrími eða Sigtryggi og hringja til að athuga með húsið...

[Brattur, 24.8.2007 kl. 19:43]

Ægir... já auðvita... blindskák... annars held ég að allar mínar skákir verði hvort eð er blindskákir... vinir mínir segja nefnilega að ég sjái vel frá mér... "... en aldrei að mér"... haldið að það séu vinir sem maður á....

[Anna Einarsdóttir, 24.8.2007 kl. 19:45]

Mér er ALLTAF kennt um.  ... jájá Magga mín..... hann hefur ekki gert handtak í fríinu vegna ANNA.  Hnuss. 

[Brattur, 24.8.2007 kl. 19:54]

jah... eða þannig... en þú Anna mín átt hrós skilið og ég gleymdi að þakka þér að vera einkaritari minn og svara ýmsum spurningum þegar ég tók mér frí í fríinu og fór að veiða... það var einmitt vegan ANNA að ég komst í veiðina...

[Hulda Margrét Traustadóttir, 24.8.2007 kl. 19:55]

Æ, það er spes að vera í fríi...þá nennir maður ekki að vera að vesenast í öðru - skil það Brattur njóttu þess meðan það varir það líður allt of fljótt...En engin afsökun þegar fríið er búið, þá fer allt í gang. Verður besta ball EVER skal ég segja ykkur í trúnaði !!! Margar góðar hugmyndir - enda "anno" 1968 frægt fólk með endemum ! Og skemmtilegt - upp með hippagallana og drssin - ef þau passa  en við tökum bara á því sem þurfum þess við  ....Þar til næst, hafið það gott og farið ofur vel með ykkur !

Magga.

[Hulda Margrét Traustadóttir, 24.8.2007 kl. 19:56]

átti auðvitað að vera dressin...sorry MT

[Brattur, 24.8.2007 kl. 19:59]

Magga, það er verst að ég á ekki lengur Indíánamussuna mína... hún var hólkvíð og nokkrar manneskjur jafnvel komist fyrir í henni ásamt eiganda

[Vilborg Traustadóttir, 24.8.2007 kl. 19:59]

Mæti með fótinn í fatla og sveifla mér sem aldrei fyrr........

[Brattur, 24.8.2007 kl. 20:01]

... Vilborg, verður þú ekki með danskort?... Viltu skrifa mig í 1. sæti á það, takk fyrir!

[Anna Einarsdóttir, 24.8.2007 kl. 20:05]

Kemurðu með járnkallinn á skákmótið ?

[Brattur, 24.8.2007 kl. 20:25]

... jú, auðvita kem ég með járnkarlinn á öxlinni... nota hann til að færa mennina á borðinu fyrst löngutangirnar báðar eru bilaðar...

[Marta B Helgadóttir, 24.8.2007 kl. 21:58]

... rosalega eruði skemmtileg ég er í kasti hérna alein á hótelherbergi (og í fótabaði)  að lesa spjallið ykkar

til hamingju m ammmælið Brattur og  fáðér endilega nýja mynd  - ertekki orðinn þreyttur í handleggnum að halda honum svon uppi alltaf með þennan líka járnkarl ... 

[Anna Einarsdóttir, 24.8.2007 kl. 22:10]

Brattur er búinn að eyðileggja á sér tvo putta,, bara við það að halda á járnkallinum.

[Brattur, 24.8.2007 kl. 22:15]

... Marta, ég er að verða smá lúinn í handlegnum... en hinsvegar kominn með svaka vöðva á meðan... nei... bara grín... reyndar er ekki hægt að taka litmynd af mér lengur... ég er ekki lengur í lit... en það er rétt hjá Önnu, puttarnir á mér eru allir lemstraðir eftir alla veiðina... ég gæti t.d. ekki ferðast neitt á puttanum í dag... ekki fer ég að rétta upp, þið munið f... puttann...

[Marta B Helgadóttir, 24.8.2007 kl. 23:31]

[Vilborg Traustadóttir, 24.8.2007 kl. 23:50]

Búin að skrá á danskortið,  Brattur nr 1. Bara spurning þetta með heybaggana?

[kloi, 24.8.2007 kl. 23:50]

Járnkarl er betri en enginn karl  Ég er alltaf að verða betri og betri í bröndurunum, er það ekki annars  

Marta, mynd nr 1 er best, flott hvíta kápan

[Hulda Margrét Traustadóttir, 25.8.2007 kl. 14:10]

Sniðugt að hafa danskort ! Í alvöru....Heybaggar mega það varla verða, verðum að koma upp sátum líkt og í "den" með yfirbreiðslum úr striga.... En fína ennis- indiánabandið mitt ekta frá USA er horfið í öllum mínum fluttningum, gruna dætur mínar um að hafa tekið það traustataki í einhverja leiksýningu....fer kannski bara og gramsa í pokum Leikfélags Reyðarfjarðar sem ég gaf mikið af fötum þegar ég flutti þaðan....PEACE.....Magga

[Hulda Margrét Traustadóttir, 25.8.2007 kl. 14:13]

Og Brattur,reyndu að finna mussuna, ég ætla að finna rauðu peysuna mína með kögrinu og skóna sem voru reimaðir upp að hnjám.... ....!!!MT

[Brattur, 25.8.2007 kl. 17:43]

hehe... mussan er týnd og tröllum gefin, Magga, en það má kannski fara á saumastofu og fá nýja, eða gera gat á bútasaumsteppi... og þá er komin mussa, ekki rétt?

[Aðalheiður Ámundadóttir, 25.8.2007 kl. 21:01]

Gott er að Brattur er brattur enn

þótt bútasaumi klæðist

Með kjaftfullt danskort í dag og í denn

því dansinn ekki hræðist

[Halldór Egill Guðnason, 25.8.2007 kl. 21:57]

Brattur.: Bíddu,....ert þu þessi á BAK við járnkallinn? Djöfull getur maður verið vitlaus

[Brattur, 25.8.2007 kl. 22:03]

jaaaá... Halldór... þetta er járnkarlinn sjálfur; Brattur

[Vilborg Traustadóttir, 31.8.2007 kl. 23:56]

Fór á fund í kvöld á nýjum skóm saumuðum í Argentínu. Í ljósi danskortsins datt mér í hug......og vona að þetta komi ekki í belg og biðu...

Að ári 

Í argentískum

tangóskóm

fór ég

staflaus

á fundinn

 

Lét mig dreyma

danssporin

sem ég stigi

við þig...

 

...að ári

 

[Brattur, 2.9.2007 kl. 00:13]

Vilborg, þú ert svo mikið krútt...