Skrítið fólk

Ég hef gaman af skrítnu fólki, enda sjálfur stór dularfullur. Eitt af því sem ég hef haft gaman að gera, er að semja lög við textana mína og syngja inn á disk. Sá sem hefur séð um að útsetja lögin og spilar undir í þeim öllum og syngur bakraddir, er enginn annars en Jón nokkur Víkingsson, kannski betur þekktur sem Johnny King. Ég er stórskrítinn, segir Johnny oft við mig og ég kinka kolli, ekki mótmæli ég því. En þú ert helvítis snillingur, segi ég þá. Þú ert sjálfur helvítis snillingur, hreytir Johnny út úr sér á móti.

Þegar ég fer í upptöku til Johnny, þá er ég bara með texta og laglínu í farteskinu og stundum eina vatnsflösku; aldrei mjólkurkex... maður syngur ekki vel með mjólkurkex í hálsinum. Síðan setjumst við niður við skemmtarann hans Jóns Víkingssonar og byrjum að raula og útsetja. Það tekur okkur svona 3 klukkutíma að útsetja búa til undirleik og syngja lagið inn, allt klárt þá, svo einfalt er þetta.

Ég samdi texta sem heitir Tréð og lag við... ég vildi ná fílingnum að við píanóið sætu tvær fyllibyttur á bar, það er komið undir morgun og allir aðrir löngu farnir heim... þeir eru orðnir tregafullir og slompaðir.

Við Johnny King erum því að þykjast vera fullir þegar við sungum þetta... við hefðum kannski betur verið fullir!???

Lagi er á spilaranum hér að neðan.

Tréð.

Má ég alltaf þér
vera eins og tré
sem er ætíð á sama stað 
þegar vindurinn blæs
þú veist hvar ég er
komdu og sestu við hliðina á mér

Þegar úti er regn
allt er þér um megn
viltu koma ég verð þitt skjól
þegar vindurinn blæs
þú veist hvar ég er
komdu og sestu við hliðina á mér

Þú ert falleg og blíð
renna tárin þín stríð
ég verð að eilífu hér fyrir þig
þegar vindurinn blæs
þú veist hvar ég er
komdu og sestu við hliðina á mér

Þegar sólin skín
þú ert brosmild og fín
þá er tré svo skínandi grænt
þegar vindurinn blæs
þú veist hvar ég er
komdu og sestu við hliðina á mér

 

Athugasemdir

[Anna Einarsdóttir, 30.7.2007 kl. 21:51]

Ég fann nú bara á mér ! 

[Brattur, 30.7.2007 kl. 21:53]

... gott, ókeypis fyllirí hjá mér...

[Anna Einarsdóttir, 30.7.2007 kl. 22:01]

En það er mánudagur !

[Vilborg Traustadóttir, 30.7.2007 kl. 22:07]

Þú ert bara alveg eins og þú átt að vera Brattur.....held ég...... Kveðja úr rigningunni.

[Brattur, 30.7.2007 kl. 22:11]

... tilbreyting að vera fullur á mánudögum, Anna... bara tilbreyting...

... Vilborg, ert þú í rigningu... fyrir vestan?.... svo heitir maðurinn Sigtryggur (ekki Steingrímur)... kannast þú frekar við það nafn?....

.... já, ég held ég sé bara eins og ég er... þú hefur séð það!

[Vilborg Traustadóttir, 30.7.2007 kl. 22:36]

Rigningu fyrir sunnan ennþá en fer vestur á miðvikudaginn og verð fram yfir helgi.  Kveiki ekki alveg á Sigtrygg heldur.Ertu nokkuð búin að hringja í hann?????Já vertu bara eins og þú ert þú ert áfram.........

[Halldór Egill Guðnason, 30.7.2007 kl. 23:37]

Ég er ekki bara tuðari. Ég er líka lengi að fatta!!!! Brattur.: Ég var að fatta rétt í þessu, þetta með spilarann!! Sé fram á langa nótt við lagahlustun. "How stupid can a man be"? Ég bara spyr. Síðasta fíflið er ekki fætt enn, sagði mér einhver, en ég held það hafi fæðst 17. janúar 1960. Ég held mig við það þar til annað verður sannað fyrir mér með vísindalegum rökum. Spurning hvort maður er gjaldgengur í skákkeppnir eða aðra mannfagnaði, með ekki meiri greind en þetta. 

[Anna Einarsdóttir, 30.7.2007 kl. 23:50]

Halldór !  Ég get glatt þig.    Ég er fædd 1964. 

[Anna Einarsdóttir, 30.7.2007 kl. 23:59]

Brattur spilar og syngur frumsamin lög og ljóð og Ægir dansar Skotaræl með stæl.

[Halldór Egill Guðnason, 31.7.2007 kl. 14:28]

Halldór sér um tæknihliðina og fylgist með að nóg sé á "geymunum". Syngur ekkert, en tuðar inn á milli. Er að æfa mig í að tóna tuðið.

[Anna Einarsdóttir, 31.7.2007 kl. 16:37]

Arnfinnur útdeilir góða skapinu sem hann nennir ekki að nota sjálfur og við Kristjana högum okkur vel....... nema hvað !

[Brattur, 31.7.2007 kl. 18:15]

... nú er ég í vinnutörn og má því miður ekki mikið vera að því í augnablikinu að skrifa neitt, en ég sé að það eru allir að verða komnir með hlutverk á skákmótinu... eina sem mig vantar þegar ég syng eru gogo stelpur... vitið þið um einhverjar????

[Anna Einarsdóttir, 31.7.2007 kl. 18:56]

Játs !

Edda og Imba la Douche. 

[Brattur, 31.7.2007 kl. 20:52]

... Anna skemmtileg að vanda...

[Hulda Margrét Traustadóttir, 31.7.2007 kl. 20:57]

Hæ.

Þú hlýtur að finna þær á Ketilásnum 2008. Annars diskurinn ykkar hjóna frábær og gaman að ljóðunum þínum. Þarf undir rós að koma þér inn á síðuna mína en hún er svo lítið spennandi að ég vil ekki leyfa hverjum sem er þar inn en "gjaldkerinn" verður að fá aðgang !

Heyrumst. Magga

[Brattur, 31.7.2007 kl. 23:20]

... skemmtilegar fréttir fyrir gjaldkerann... bíð spenntur eftir aðgangsheimild!