Líkur og Ólíkur

Einu sinni var maður sem hét Ólíkur. Hann átti bróður sem hét Líkur. Þeir voru ekkert líkir bræðurnir.

Einn daginn var Ólíkur ekkert líkur sjálfum sér og spurði Lík bróður sinn; Líkur bróðir er þetta virkilega ég ? Nei, Ólíkur bróðir þetta ert ekki þú, þetta er ég.

Já, ég vissi það ég er ekkert líkur sjálfum mér sagði Ólíkur og hélt út í heim að leita að sjálfum sér.

Líkur var hinsvegar miklu líklegri en Ólíkur og fór því bara heim og lagði sig. Heimildum ber hinsvegar ekki saman um það og segja sumir að í raun og veru hafi hann verið Ólíkur en það hafi verið Líkur sem hélt að hann væri Ólíkur.

Endar nú þessi skemmtilega saga um bræðurnar Ólík og Lík.
.

.

 

Athugasemdir

[Þór Ómar Jónsson, 19.5.2010 kl. 23:00]

þetta er snilld!