Konur sem hata karla.

Ég hitti kunningja minn á förnum vegi um daginn.

Hann fór að tala um mann sem  hann þekkir.  Gefum kunningjanum orðið:

Hann er búinn að vera svakalega veikur, með krabbamein og löngu hættur að vinna þess vegna.

Konan er náttúrulega farin frá honum eins og við mátti búast, því það er vísindalega sannað að konur yfirgefa frekar menn sína ef þeir veikjast heldur en að karlar yfirgefi konur sínar ef þær veikjast.

Ég varð hálf klumsa enda kann ég ekki skil á öllu sem er vísindalega sannað.

Ég dirfðist samt að spyrja; Er það virkilega vísindalega sannað ?

Já, vinur minn það er sko vísindalega sannað svaraði kunninginn með mikilli áherslu á "vísindalega".

Fyrirfram hefði ég haldið að þessu væri öfugt farið.

.

.

Athugasemdir

[Óskar Þorkelsson, 20.10.2009 kl. 20:51]

trygglyndi kvenna er í réttu hlutfalli við þykkt peningaveskis eiginmannsins.. það er ekki bara vísindalega sannað heldur er líka hægt að fletta því upp í hagstofunni ;)

[Brattur, 20.10.2009 kl. 22:01]

Óskar... nú hafa nossararnir eitthvað ruglað þig...

[Hrönn Sigurðardóttir, 21.10.2009 kl. 10:39]

Ósköp er Óskar bitur....

...en ég er sammála þér. Allavega finnst mér alltaf, einhverra hluta vegna, miklu sorglegra að sjá mann með veika konu heldur en konu með veikan mann. Eða réttara sagt vorkenni ég alltaf meira mönnum sem eiga veikar konur heldur en konum með veika menn. Þeir eru svo hjálparlausir eitthvað. Það helgast kannski af því að flestar konur eru vanari umönnun?

[Steingrímur Helgason, 21.10.2009 kl. 19:31]

~Zkarið er með þetta...