Brattur í gíslingu !

****BREAKING NEWS****

Þær fréttir voru að berast rétt í þessu að Brattur hefur verið tekinn höndum af nokkrum gulrótarbændum. Hann er því í gíslingu.

Málavextir eru þeir að Brattur setti niður nokkur gulrótarfræ í vor.

Gulrótarbændur óttast mjög þessa auknu samkeppni.

Þeir halda því Bratti vini mínum föngnum í blautum og köldum gulrótargeymslum norður í Bleiksmýrardal að því að talið er.

Krafa gulrótabændanna er að Brattur lofi að hætta ræktun og snúi sér þess í stað að því að tálga spýtur.

Þegar síðast sást til Bratts þá var hann klæddur grænum kakíbuxum, í gulri indíánaskikkju og með rauðan skúf í peysu.

En snúum okkur þá að veðurspánni.

Gert er ráð fyrir veðri um mestan part landsins þó má búast við eintökum skúrum eða litlum sumarbústöðum í uppsveitum.

Ef að við höfum einhverjar fréttir að færa ykkur af þessu einkennilega mannráni þá brjótum við fréttirnar aftur.
.

 

.

Athugasemdir

[Halldór Egill Guðnason, 16.7.2009 kl. 02:12]

Ekki örvænta! Hópur manna og kvenna er á leið til bjargar. Hvar er þessi dalur annars og hvar í fjáranum var gulrótarfræjunum plantað eiginlega? Bíð spenntur eftir næsta frétta"broti".   

[Hrönn Sigurðardóttir, 16.7.2009 kl. 08:17]

hahaha ég bíð líka helspennt eftir næsta uppábroti! Er að reyna að staðsetja dalinn með GPRS tæki sem ég fann.

[kop, 16.7.2009 kl. 11:34]

Ég veit alveg hvar þessi dalur er, næsti dalur vestaustan við Rauðumýrardal.

Ég fer strax af stað, Bratti til bjargar, tek nokkrar rætur með í nesti.

[Jón Halldór Guðmundsson, 17.7.2009 kl. 12:27]

Glæsilegt.  Að sögn Hauks Morthens eru til fræ og því ekki útilokað að fleiri ómjúkum handtökum verði beitt.