Af hverju er fingurinn flatur?

Ég skil alveg hvað Sir Alex er að fara, enda hugsum við mjög svipað félagarnir.

Það getur verið mjög óþægilegt að láta hæla sér, jafnvel hættulegt.

Einu sinni var ég að negla nagla í spýtu.

Gengur þá ekki fram hjá mér meðhjálpari á leið sinni til rakarans og segir; mikið rosalega neglir þú fallega og kröftuglega Brattur.

Ég næstum því umturnaðist af mikilmennsku, hóf hamarinn hátt á loft og sló fastar en áður...  en hitti ekki naglann á höfuðið...

Þess vegna er þumalfingurinn á mér flatur.
.

 

.

Ferguson: Fréttamenn of jákvæðir

Athugasemdir

[Finnur Bárðarson, 4.4.2009 kl. 17:40]

Af hverju stillir þú honum ekki upp á rönd og lamdir aftur. Sá einhvern tíma svona trix með valtara og Andrés önd :)

[Brattur, 4.4.2009 kl. 18:32]

Heyrðu Finnur þetta er gott ráð.. fyrst það virkaði á Andrés Önd hlýtur það að virka á mig... fannst Andrési það vont?

[kop, 4.4.2009 kl. 19:56]

Ertu ekki til í að hamra á fingurna á gamla traktornum? Sennilega ekki.

[Ásgeir Rúnar Helgason, 4.4.2009 kl. 20:32]

Þar hitturðu naglann á höfuðið Gísli !

Eða eins og sænskir segja: "Höfuðið á naglann" (Huvudet på spiken)

Lifi fjalldrapinn!

[Brattur, 4.4.2009 kl. 20:57]

Gamli traktorinn... leikhús draumanna... á morgun sést hvort þar spila menn eða mýs Mr. Kop...

Það var eftir svíunum að geta ekki sagt þrjú orð í réttri röð...

[Ásgeir Rúnar Helgason, 4.4.2009 kl. 22:42]

Já, það verður ekki uppá svíana logið:)