Um daginn var veginn

Þið vitið að það er ekki sama hvort sagt er aumingja Brattur eða Brattur aumingi.

Það er heldur ekki sama hvort sagt er;

Drottinn er með yður, eða Drottinn er með iður.

Hannes Hólmsteinn segir núna að það sé mikill munur á kapítalisma og kapítalista... þetta er virkilega gott klór í bakkann hjá nesa... það er líka mikill munur á Hannesi og annesi og spurning hvort hann viti það?

Ef Ísland átti eitthvað einhvern tímann sem hét höfuðstóll... þá heitir það fyrirbæri nú ruggustóll.

Allt er í heiminum hverfult og allt er breytingum undirorpið.

Ýmis orð og orðatiltæki voru um daginn veginn.
Nú verður maður að fara að endurskoða ýmislegt sem var í lagi að segja áður.

Það er t.d. strax orðið úrelt að segja; Ég átti því láni að fagna.

.

 

.

 

Athugasemdir

[Ragnheiður , 20.10.2008 kl. 22:19]

hehehe já rétt athugað hjá þér

[Steingrímur Helgason, 20.10.2008 kl. 23:15]

Í lýsíngarhætti núverandi framtíðar...

"Ég á það annara lán að borga..."

[Halldór Egill Guðnason, 21.10.2008 kl. 01:29]

Ég á miklu barnaláni að fagna. Ætli það verði gjaldfellt líka í þessu andskotans rugli öllu saman?

[Brjánn Guðjónsson, 21.10.2008 kl. 02:22]

hárrétt hjá Hólmsteininum. það er heilmikill munur á kapítalisma og kapítalista. svona eins og heilmikill munur er á fíflaskap og fífli. fíflaskapur er hugtak, en fíflið....það er bara fífl.

[Hrönn Sigurðardóttir, 21.10.2008 kl. 08:54]

...en við borgum samt lánin fagnandi....