Bjáni og Kjáni

... einu sinni voru bræður sem hétu Bjáni og Kjáni... pabbi þeirra hét Stjáni, en var alltaf kallaður Stjáni Láni af því að  hann var alltaf að fá eitthvað að láni hjá nágrönnum sínum... Kjáni og Bjáni tóku einu sinni þátt í bankaráni... Kjáni var óttalegur bjáni, en Bjáni var sláni...

Mamma þeirra hét Hafgerður.

Þeir bræður voru ekki alveg klárir á því hvernig banki leit út. Þeir ákváðu því að sækja haustnámskeið sem hét "Hvernig ræna á banka án þess að banka"
.

 

.

Á námskeiðinu komust þeir að því að best er að þekkja banka á þeim fána sem er á húsinu.

Þegar þeir komu að bankanum sagði Kjáni bjáni; Bjáni sláni þarna er fáni. Svo settur þeir á sig ræningjagrímurnar sem mamma Hafgerður hafði saumað og fóru inn í banka án þess að banka.

En óheppnir voru þeir greyin, það var nýbúið að ræna bankann og ekki einn einasti gullpeningur eftir.

Þeir fóru því með skottið á milli lappanna heim til mömmu Hafgerðar sem beið þeirra með heita kakósúpu og tvíbökur sem pabbi þeirra hafði nýfengið að láni í næsta húsi.

.

.

 

Athugasemdir

[Einar Indriðason, 19.10.2008 kl. 11:53]

Alveg góð saga :-)

[Gísli Hjálmar , 20.10.2008 kl. 20:39]

Ég verð nú bara að segja það; að þessi pistill finnst mér fyndinn :)