Get

Nú hefst þátturinn Íslenskt mál:

Hef oft pælt (slettuorð) í litlum orðum... gaman að taka þau og skoða frá ýmsum sjónarhornum.

Í dag tökum við fyrir orðið "get". Hvað get ég gert?  Það er bara lítið saklaust orð... getur ekki gert mikinn óskunda, skyldi maður halda.

En svo fara skrítnir hlutir að gerast þegar við förum í þátíðina. Hvað gat ég gert. Þarna er allt í einu komið gat, hola í málið.

Og hvað er gat? Jú, hola eða jarðgöng til dæmis. Hvernig gat þetta eiginlega gerst? Við vorum bara í sakleysi að ræða orðið get og allt í einu erum við komin ofan í jarðgöng... og þegar maður talar um jarðgöng, hvað dettur manni fyrst í hug, jú Árni Johnsen og draumur hans um göngin til eyja. Og þá erum við komin til Vestmannaeyja og þá dettur maður fyrst í hug Lundi. Og hver er léttur í lundi hmm ég get verið léttari en lundi... en sjáið þið bara hvað gerðist, nú er get komið aftur í umræðuna löngu eftir að við vorum hætt að hugsa um það...

Þetta leiðir að þeirri niðurstöðu; að allt fer í hringi... byrjar á sama stað og það endaði.

Nú get ég ekki meira að þessu sinni... þættinum er lokið.

.

.

 

 

Athugasemdir

[Hrönn Sigurðardóttir, 7.8.2008 kl. 21:37]

Þættinum hefur borizt bréf.... frá konu á Suðurlandi! Hún spyr hvort einhver muni eftir merkingu sagnarinnar 'að geta' nú þegar tíðkast að geta ekki....

Við gætum svo gizkað á það ;) 

[Brattur, 7.8.2008 kl. 21:49]

Við þökkum konu á Suðurlandi fyrir bréfkorn hennar...

... nú að geta eða geta ekki hefði Seikspír sagt og ég er bara sammála honum...

[Hrannar Baldursson, 7.8.2008 kl. 22:13]

Ja, ef ég hálfget eitthvað, erum við þá komnir með hálft gat? Hvað er það?

[Steingrímur Helgason, 7.8.2008 kl. 22:37]

Ef ég gæti, gætilega gatað fyrir gatið, (til dæmiz til Ólafzfjarðar), gæti þá verið gatað fyrir gatið af getulítilli getu ?

[Brattur, 7.8.2008 kl. 22:55]

... hálft gat er svipað og hálf hola... ég hef grafið slíka...

... það þarf að stækka gatið til Óló, Steingrímur... ekki fylla upp í það....

[Marta Gunnarsdóttir, 8.8.2008 kl. 00:06]

Geta, gat, gutum, gotið....... Já, það fer allt í hring, hvernig sem litið er á málið.