Hvað er þetta?

Einu sinni var einn sem hitti annan... þeir ákváðu að fá sér rifsberjasafa og setjast út á verönd og velta fyrir sér hvað þeir væru... settu þurrkaða banana í stóra skál og litu upp í himininn, eins og þeir væru að gá að því hvort þeir fengju ekki næði til að leysa gátuna stóru.

Þeir sátu að sumbli langt fram á sumarnóttina, spáðu og spekúleruðu í þessari þraut... loks komust þeir að niðurstöðu...

Þú ert einn og ég er einn og þá erum við tveir, sögðu þeir og glottu við tönn.

Þeir voru sælir og glaðir með þá niðurstöðu, kinkuðu kolli mót himni og sofnuðu sitjandi á olíubornum tréstólunum.

Nú spyr ég; hvernig saga er þetta?

.

.

Athugasemdir

[Agnes Ólöf Thorarensen, 5.6.2008 kl. 22:48]

...frussss....

[Einar Indriðason, 5.6.2008 kl. 23:58]

Nú... þetta er að sjálfsögðu DÆMI-saga.  "Einn plús Einn eru jafnt og ... Tveir!"

[Brattur, 6.6.2008 kl. 00:04]

... þúi ert náttúrulega bara snillingur Einar... auðvitað er þetta Dæmisaga....ég hélt ég væri svo djúpur núna að enginn myndi fatta hvert ég væri að fara... þú færð 11 í prófinu.... til hamingju!!!

[Einar Indriðason, 6.6.2008 kl. 00:32]

:-)

Þetta gat ekki verið neitt annað :-)

En komdu með flóknara dæmi næst.  T.d. "Tveir menn hittu þann þriðja ......"

[Hrönn Sigurðardóttir, 6.6.2008 kl. 11:20]

ó..... ég hélt þetta væri ávaxtasaga! Í stíl við ávaxtasafa

[Brjánn Guðjónsson, 6.6.2008 kl. 23:13]

en fyrst þeir komust að því að hvor þeirra væri einn. hvernig gátu þeir þá vitað að þeir væru hvor um sig en ekki hvor annar?

[Halldór Egill Guðnason, 7.6.2008 kl. 02:24]

 

[Ingibjörg Friðriksdóttir, 7.6.2008 kl. 10:38]

Áður en ég las kommentin hélt ég þetta svona dæmigerðan díalóg.

[Edda Agnarsdóttir, 7.6.2008 kl. 11:00]

D saga + spá um vatn!

[Brattur, 7.6.2008 kl. 11:31]

Takk fyrir kommentin... hér er margt á seiði... ég er að spá í að taka áskorun Einars og skella nýju dæmi inn hér á eftir... sjáum hvað kemur út út því... Hrönn stingur upp á ávaxtasögu sem er fjári gott... Brjánn er einnig með spennandi vangaveltur...Halldór skemmtir sér konunglega... Ingibjörg og Edda; þarf að melta þeirra innlegg betur... klukkan er jú ekki nema hálf tólf á laugardagsmorgni...