Snigillinn

Einu sinni var flygill

uppi á honum var snigill

þá kom þar að íslenskur hani

en það var hans ljóti vani

að borða litla snigla

og ost sem var að mygla

og drekka glas af víni

með stóru ljótu svíni

þessa nótt þeir drukku

rauðvín úr sultukrukku

og gleymdu að éta snigil

sem spilaði á flygil

.

 

.

Athugasemdir

[Anna Einarsdóttir, 7.5.2008 kl. 22:37]

Hani, krummi, hundur, svín
helltu í sig víni
Sumir gerðu stólpagrín
en snigill sat á líni..............

......... og spilaði Mozart uns hann dó.

[Hrönn Sigurðardóttir, 7.5.2008 kl. 22:47]

Þið eruð klikk

Kannski þess vegna sem þið fallið svo vel í minn hóp? 

[Brattur, 7.5.2008 kl. 23:05]

Anna... þú ert snigillingur...

Hrönn... velkomin í Klikk-hópinn... eða erum við velkomin í hann... huh... skiptir ekki máli... Klikk hópurinn klikkar aldrei... er það ekki bara fínt kjörorð?

[Anna Einarsdóttir, 7.5.2008 kl. 23:11]

Brattur er samt aðeins meira klikk en ég....... en það er ekki að marka.  Hann hefur haft fleiri ár til að æfa sig. 

[Einar Indriðason, 8.5.2008 kl. 00:51]

Þetta er fínt kvæði, dýrt kveðið og .. já... rímar! :-)

[Greta Björg Úlfsdóttir, 8.5.2008 kl. 10:20]