Mallar, Gollar og Grommar

... aðeins meira um skrítin orð sem voru notuð á Ólafsfirði í denn... Bombólur, blink o.fl...

... mundi allt í einu eftir fleiri orðum... sem ég veit ekki hvort þekktust annars staðar á landinu líka...

Við strákarnir vorum oft að veiða hornsíli í krukkur... vorum mjög áhugasamir um allar fiskveiðar...

Stór, pattaraleg hornsíli voru kölluð "Mallar" ... vá maður sjáðu Mallann þarna hrópuðum við upp þegar stórt hornsíli synti hjá...

.

 

.

Veiddum líka oft á bryggjunum, þorsk, ufsa, silung, marhnúta og rauðmaga... einu sinni fékk ég hnúðlax... stór þorskur var kallaður Golli... svakalegur Golli er þetta... sagði maður...

.

 

.

Grámávur var kallaður Grommi... já, þegar maður lítur á þessi orð og fleiri sem ég hef áður nefnt, þá skil ég vel hve Ólafsfirðingar þóttu skrítnir þegar þeir komust í samband við umheiminn eftir opnun Múlavegarins...

 

 

Athugasemdir

[edda (IP-tala skráð) 2.4.2008 kl. 19:50]

Þú ættir kansi að senda nokkur orði inn í þáttinn Orð skulu standa hjá Rúv.

ej.

[Anna Einarsdóttir, 2.4.2008 kl. 20:18]

Neibb.  Alls ekki að senda orð inn í "Orð skulu standa".  En ef þeim væri boðið sæti, þá mætti kannski semja um það. 

[Brattur, 2.4.2008 kl. 20:24]

... já... verð ég þá ekki að senda í þáttinn... "Orð skulu sitja" , Anna?

[Anna Einarsdóttir, 2.4.2008 kl. 20:44]

Hvað ertu nú að bulla Brattur.    Það er enginn þáttur til sem heitir það. 

[Halldór Egill Guðnason, 3.4.2008 kl. 00:32]

Ég vissi það..göngin voru mistök. Hefðum átt að láta þennan þjóðflokk þróast óáreittan, svona eitthvað fram á öldina. Ég meina, hvað ef ekki væri Brattur?.....?

[Gunnar Helgi Eysteinsson, 3.4.2008 kl. 05:36]

Orðin skapa manninn, maðurinn skapar orð

[Þorsteinn Valur Baldvinsson, 3.4.2008 kl. 14:28]

Hefði átt að friða þennan þjóðflokk, væri lyftistöng fyrir ferðaþjónustuna að sýna innfædda.