Arfadallur -sunnudagshugvekja

... það er vita mál að ég er hálfgerður rugludallur... skemmtilegt orð rugludallur... hvað er rugla... gæti þessi dallur ekki eins heitið ugludallur?... þ.e. dallur þar sem uglur koma saman til að ugla...hmm?

... svo er talað um að vera arfaruglaður... af hverju eru arfar ruglaðir... ??? mér finnst þetta vera hálfgerð árás á þessa annars fallegu plöntu, sem ég held talsvert uppá... stundum er ég svo kátur að mér finnst ég vera arfaru-glaður... eins og núna... ég er ofboðslega arfaru-glaður í morgunsárið....

... sumir myndu segja að ég væri alvöru rugludallur... ég er samt eiginlega kominn á þá skoðun að ég sé svona sambland af því að vera arfaruglaður og rugludallur; sem sagt, ég er arfadallur

... konur eru auðvitað ekki rugludallar, þær eru náttúrulega rugludollur... til hamingju með það, konur...

... fleiri orð eru til í þessum anda, dettur t.d. í hug orðið kolgeggjaður, hvernig verður maður kolgeggjaður...hmm...

ég held að þetta sé komið úr grillheiminum... allir að grilla blindfullir út um allt Ísland... hausinn fyllist af reiknum frá kolunum... og bingó... menn verða kolgeggjaðir...  

... svo er til fólk sem er snarruglað... ég hef aðeins verið að spá í þetta orð og tilurð þess... og komist að þeirri niðurstöðu að sjá sem fer á hestbaki til að snara kálf, en snarar svo sjálfan sig í staðinn, af því að hann þekkti ekki muninn á sér og kálfinum, hann er snarruglaður...

... þetta var nú bara sunnudagshugleiðing í nýjum þætti mínum; "Orðin krufin"

... ég er nú meiri þöngulhausinn... þöngulhaus... hvernig orð er það nú einginlega... hmm... nei, nú er nóg komið, bíður næsta þáttar...

 

Athugasemdir

[Halldór Egill Guðnason, 21.10.2007 kl. 22:32]

Eg var einu sinni a drulludalli til sjos, Brattur. Ertu ekki ad gleyma adalordinu?

[Arnfinnur Bragason, 22.10.2007 kl. 12:29]

...nú ertu orðinn snarrug... sorrý, ætlaði að segja snarbrattur

[Marta B Helgadóttir, 22.10.2007 kl. 19:44]

Góður Brattur dallur

[Vilborg Traustadóttir, 23.10.2007 kl. 00:04]

Hvaða rugl er nú þetta?  Er þetta snarrugl í arfarugluðum rugludalli?

[Ingibjörg Friðriksdóttir, 23.10.2007 kl. 19:03]

Dallar og kallar, mallar og sallar,

Þú ert hvorki dallur né kallur, en þú sallar inn orðum sem eru skemmtileg til umhugsunar.

[Edda Agnarsdóttir, 24.10.2007 kl. 19:31]

Rugl sem verður kukl!  Annars gott að vera brattur.

[Guðný Anna Arnþórsdóttir, 24.10.2007 kl. 22:24]

Mér hefur alltaf þótt upphefð að því þegar ég hef verið kölluð dós. Sérstaklega ef það hefur verið puntu á undan. Takk fyrir arfagóða hugvekju.

[Ásgeir Rúnar Helgason, 25.10.2007 kl. 19:35]

Brattur!

Því miður komst ég ekki til þín síðast þegar ég var heima í Svarvaðardal, til að versla af þér ljóð. Það var svo mikill hamagangur í smöluninni og þvílík gleði eftir að féð var komið í heimatún að tíminn bara rann út í buskann. En það er ennþá ofarlega á stefnuskránni að lýta við hjá Bratti og kaupslá ljóð á pappír!

[gerður rósa gunnarsdóttir, 27.10.2007 kl. 15:51]

LOL - af tæknilegum ástæðum á ekki að vera hægt að láta mig hlægja fyrir fyrsta kaffibollann eftir að ég vakna ... kerfið eitthvað að klikka (VÁ þarna gleypti ég næstum flugu sem settist innan á kaffibollabrúnina akkúrat þar sem ég ætlaði að taka gúlsopa - hvílíkt áhættuatriði að drekka kaffi svona heima hjá sér!)

[Hrönn Sigurðardóttir, 29.10.2007 kl. 21:06]

....en ef hann er snöruruglaður, ruglaðist hann þá á reipum?

Eða er hann kannski snöruru- glaður?