Húnaver

... ég ók fram hjá Húnaveri í dag... var hugsað til þess þegar ég var unglingur og það voru útihátíðir um verslunarmannahelgar á túninu þarna... nú mega unglingar hvergi tjalda... þar er búið að banna þeim það á flestum stæstu tjaldstæðum landsins... en hverjir hafa bannað það... kannski þeir sem voru einu sinni í Húnaveri?

Húnaver.

Mannstu
þegar við veltumst um
blindfullir milli tjalda
í Húnaveri
á frídegi verslunarmanna
og sungum
Thats amore

John Lennon
kom í heimsókn
krókódílar voru
dregnir í bandi
eins og hundar
og við syntum
í Svartá
Trúbrot spilaði Lifun
og þú kveiktir í tjaldinu

Dingalingaling
dingalingaling
Thats amore

 

Athugasemdir

[Vilborg Traustadóttir, 7.7.2007 kl. 10:27]

Ég man....og þó..........Var eitt sinn í Húnaveri og bróðir minn hengdi tjaldið aftan í bílinn og ók af stað. Kannski 1975 eða1976.  Stagið slitnaði auðvitað en það var fólk í tjaldinu.  Hann ætlaði bara að draga það heim.  Ég í málið og lét lögguna afgreiða farbann á liðið þar sem allir voru undir áhrifum (og ég auk þess ekki í stuði að fara heim) .   Annars fallegt ljóð.

[Guðný Anna Arnþórsdóttir, 7.7.2007 kl. 22:02]

Er þetta snilld eða snilld? Ég myndi segja snilld. Hvar fær maður ljóðin þín á prenti? Hefurðu gefið þau út?  - Ein spurul en sæl með að uppgötva nýjar blogglendur.

[Brattur, 7.7.2007 kl. 22:55]

... ég gaf út 2 bækur og 1/8 í bók fyrir mörgum árum... , Gluggaþykkn, Hamingjusmiðurinn og Norðaustan ljóðátt...seldi þær sjálfur fyrir kostnaði... eiginlega ekkert til af þeim bókum í dag...svo á ég eitthvað óútgefið... en í seinni tíð hef ég farið meira í það að gera texta við lög sem ég sem, eins og þau sem eru á spilaranum hjá mér... það finnst mér gaman núna... óttalega amatörmennska... en ég hef ógeðslega gaman af þessu sjálfur... og eins og þú segir sjálf... það er fyrir mestu... ég er kannski að nota þetta blogg til að safna saman og sjá hvað ég hef verið að gera... að vísu gáfum við Lára konan mín út bók í vor, Vinaslóð, sem ég sagði frá um daginn á blogginu, þar sem ég sem lítil sendibréf frá bekkjarfélögum og Lára tók myndirnar... var mjög ánægður með þá bók... ég á þá bók hérna og get sent þér... langar að gefa út í ár bók með því sem ég skrifaði í "Norðaustan ljóðátt" og er búinn að plata listmálara til að myndskreyta... veit hinsvegar ekki hvort við náum að gera eitthvað úr því... erum að reyna að fjármagna... En takk fyrir hrósið Guðný Anna... maður bara fær aukinn kraft þegar svona er talað til manns...

... ég reikna svo með að birta nokkur ljóð í viðbót úr þessum gömlu bókum hér á síðunni af og til... geng alltaf með það í maganum að gefa út eina bók í viðbót... en þá verð ég að vera viss um að hún sé betri en allt sem ég hef gert hingað til... svo við sjáum hvað setur...

[Guðný Anna Arnþórsdóttir, 9.7.2007 kl. 21:46]

Takk fyrir þetta, kæri Brattur. Ég er búin að skrifa hjá mér titlana, hver veit nema að maður fái þetta á fornbóksölu. Mér finnst svona óheft, inspíeruð ljóð eftir lífskúnstnera heillandi og skemmtileg. Keep up the good work!