Tíminn og vatnið og veiðimaðurinn

... mikið rosalega líður tíminn fljótt... en þetta eru svosum allir að segja... fór seinnipartinn í gær upp í Laxárdal... fékk tvo urriða... sleppi öðrum, fannst hann ekki nógu feitur... en langur var hann!

 

 Í dag förum  við út í sumarbústað og grillum hinn fiskinn, þann feita, 4,5 pund. Það er náttúrulega uppskriftin, gráðostur í flakið, sveppir og graslaukur... klikkar ekki.

Í gær var júní í dag er júlí... svona geta nú hlutirnir gerst hratt...

Milljón

Fyrir
milljón árum
voru
milljón ár
til dagsins
í dag.

Og eftir
milljón ár
eru milljón ár
liðin
frá deginum
í dag.

Og þú ert
einn á móti
milljón.

 

Athugasemdir

[Vilborg Traustadóttir, 2.7.2007 kl. 16:51]

Sæll og blessaður Gilli.  Magga systir hyggst hafa undirbúningsfund fyrir "come-backið" á Ketilásnum.  Fundurinn verður í síðustu viku júlímánaðar.  Þú kannski fylgist með á blogginu mínu hvar og hvenær fundurinn verður.  Hvaða tími hentar þér/ykkur best? Annars vona að allt sé í blóma og sumarbústaðaferðin hafi lukkast vel og urriðinn bráðnað í munni.

[Brattur, 2.7.2007 kl. 19:39]

... ég fylgist með framvindunni á síðunni þinni... það var alveg frábært í bústaðnum, börn og barnabörn, og einn frændi Gísli Aðalsteinsson (Kristínar Jóhannesdóttur) frá Siglufirði... bústaðurinn er aðeins í 20 km. fjarlægð frá Akureyri og það finnst mér frábært... kominn í sveitasæluna á 15 mín. þó svo að Akureyri sé nú bara lítið sveitaþorp líka... þá er alsstaðar hægt að krækja sér í stress...

[Vilborg Traustadóttir, 2.7.2007 kl. 19:54]

Velkomin heim.  Ég bjó á Akureri í fimm ár frá 1986-1991.  Mér leið vel þar.  Sögðum gjarnan að við hefðum flutt SUÐUR til Akureyrar.  Það þótti ekki fyndið enda EKKERT norðar en Akureyri meðal akureyringa með sitt áttaskyn.  Nú bý ég í Reykjavík, Magga á Akureyri en Solla er í Portúgal.  Vonandi kemur hún alkomin til Íslands í haust.  Já bara að fylgjast með Magga er með góðar hugmyndir að "come-backinu"!!!!!

[Brattur, 2.7.2007 kl. 20:05]

... æðislegt, þetta er bara spennandi...
já Solla... eitthvað er að brjótast í gegnum þokuna... Solla... hmmm... held ég sjái hana fyrir mér... sítt hár, ljóst????

[Vilborg Traustadóttir, 2.7.2007 kl. 23:19]

Stemmir... og í seinni tíð stundum rautt.  Sennilega hef ég þá verið rauðhausinn í "þokunni" en ég er "litla" systir.  Kannski misstiru bara af mér??? 

[Guðný Anna Arnþórsdóttir, 4.7.2007 kl. 23:27]

Góður húmor á þessari síðu þinni, Brattur. Ert þú þetta frábæra ljóðskáld eða....?

[Brattur, 4.7.2007 kl. 23:37]

... allt frumsamið Guðný Anna...