Stikkhúfa - svarið við getrauninni

Jæja, þá er komið að því að birta svarið við getrauninni sem ég var með í gær.

Þakka öllum sem tóku þátt snyrtilega fyrir... margar skemmtilegar tilgátur bárust, en engin þeirra reyndist rétt..

Stikkhúfa er.... trommusláttur............................... TAPPI á gosflösku!

Já, þetta vissu hvorki þeir Óli kolamoli né Sandhóla Pétur... og hvað þá Gunnar Helgi. Hann vissi ekki baun...

.

.

Í mínu ungdæmi var til leikur sem hét Stikk. Hann gekk út á það að töppum af gosflöskum (úr gleri n.b.)var rennt eftir gólfi og að gólflista eða einhverri línu sem var á gólfinu. Sá sem átti flesta tappana sem næst voru línunni eða gólflistanum vann leikinn.

Síðan er tappi náttúrulega húfa á gosflösku og þá er nafnið komið : Stikkhúfa.