Sjálfstæðismenn fá það sem þeir báðu um.

Ég spjalla við fólk á förnum vegi eins og gengur og gerist um pólitík og hvað það ætli nú að kjósa í komandi kosningum.

Mjög margir geta alls ekki hugsað sér að kjósa Sjálfstæðisflokkinn þó svo að sumir hafi stutt þann flokk áður.

Og af hverju getur fólk ekki hugsað sér að kjósa Sjálfstæðisflokkinn... Jú, það er ekki síst vegna óheiðarleika þeirra sem eru að bjóða sig fram fyrir þennan flokk... hvernig flokkurinn lítilsvirðir Alþingi þessa dagana með málþófi... flokkur sem kennir sig við sjálfstæði getur ekki hugsað sér að fólkið í landinu fái að taka þátt í stórum ákvörðunum sem taka þarf í framtíðinni með því að afgreiða slík mál í þjóðaratkvæðagreiðslu...

Flokkur sem kennir sig við heiðarleika er staðinn af því að þiggja stórar peningaupphæðir frá hliðhollum fyrirtækjum... og fólk veit að þetta hefur "alltaf verið svona"... Sjálfstæðiflokkurinn hefur alltaf keypt sér völd...

Síðan ljúga menn á víxl eins og ekkert sé... Kjartan Gunnarsson... Geir Haarde... Guðlaugur Þór...
Maður sér það á þeim í fréttunum þegar þeir eru að ljúga... en þeir eru góðir í því enda í góðri þjálfun...

Svo sér maður á bloggsíðum að þeir forhertu Sjálfstæðismenn sem enn ætla að láta þá fá atkvæði sitt eru hissa á því fylgishruni sem blasir við... og segja; Flokkurinn hefur stjórnað landinu í 18 góð ár... Hvað læti er í fólki núna, er það búið að gleyma góðærinu?

Mér dettur í því sambandi í hug dæmi;

Skipstjóri siglir skipi sínu í 18 daga. Ferðin gengur bærilega vel.

En svo siglir skipstjórinn (værukær og hálf drukkinn) skipinu í strand og það er nánast ónýtt á eftir (áhöfninni er bjargað með naumindum)... var þetta þá góð ferð? Á að ráða þennan skipstjóra aftur í næstu ferð????

Sjálfstæðismenn þurfa ekkert að vera hissa þó að fylgið hrynji um helming.

Því segi ég eins og einn fyrrum Sjálfstæðismaður sagði við mig;

Það þarf að setja Sjálfstæðisflokkinn út í kuldann næstu árin.

.

.

 

VG í sókn - Samfylking stærst

Athugasemdir

[kop, 16.4.2009 kl. 20:36]

Góð samlíking með sjóferðina.

Málið er að í þessari 18 daga sjóferð hefur verið fiskað í landhelgi, smáfiskadráp stundað, aflinn seldur á svörtum markaði og áhöfnin höfð að fíflum.

[Brattur, 16.4.2009 kl. 20:43]

Takk fyrir þetta Kop... eru nokkrar líkur á því að þessi áhöfn vilji leggja í langferð með þessum skipstjóra aftur?

[Kolla (IP-tala skráð) 16.4.2009 kl. 22:05]

Góð samlíking hjá þér. Ég efast um að skipshundurinn vildi vera með næst.

[kop, 17.4.2009 kl. 09:43]

Það er sko merkilegt að ennþá vilja 20% af áhöfninni vera með. Það hljóta að vera þeir sem hafa vitað um ósómann og tekið þátt í honum.

[Gulli litli, 17.4.2009 kl. 12:29]

Þetta kallast að láta skipstjórann fá fyrir ferðina.....Það sem hann fær fyrir ferðina er að halda áfram...góður pistill félagi..

[Finnur Bárðarson, 17.4.2009 kl. 13:39]

Ja ef skipstjórinn er sonur þess sem á útgerðina fær hann örugglega djobbið aftur. En í þetta sinn verður skynsemin ofan á. Enginn vill eiga viðskipti við slíkan skipstjóra.

[Halldór Egill Guðnason, 18.4.2009 kl. 11:16]

Góð samlíking Brattur. Versta helvítið, hvað gengur illa að fá aðra almennilega skipstjóra í staðinn fyrir þann sem olli strandinu. Sjálfstæðisflokkurinn á skilið rassskell og svei mér ef hinir flokkarnir eiga það ekki líka.  Hásetarnir á skipinu höguðu sér nefnilega ekkert betur en skipstjórinn. Voru jafnfullir, værukærir og utan við sig. Skilum auðu á kjördag! Skítt með þessar fyrstu, af guð má vita hvað mörgum kosningum ársins! Þjóðþing ekki seinna en en strax! og hana nú, héðan frá Eldlandinu.

Kær kveðja í Borgarnesið. 

[Brattur, 18.4.2009 kl. 12:10]

Takk fyrir kveðjuna Halldór... mér finnst það afar slæmur kostur að skila auðu... mér finnst nauðsynlegt að nýta kosningaréttinn... eina undantekningin á því er að ef maður ætlar að kjósa Sjálfstæðisflokkinn þá er betra að skila auðu...

[Brjánn Guðjónsson, 18.4.2009 kl. 13:45]

amen

[Brjánn Guðjónsson, 18.4.2009 kl. 13:47]

Borgarahreifingin er að verða meira og meira sexy í mínum huga.

[Brattur, 18.4.2009 kl. 14:03]

Sammála Brjánn... Borgarahreyfingin með skoðanir og stefnu sem mér lýst mjöð vel á... aldrei að vita hvað maður gerir... í skoðanakönnunum hefur Borgarahreyfingin mælst með 8% fylgi en það er ekki að skila inn manni... hvað þarf eiginlega mörg % til að ná manni inn?